الثلاثاء، 15 مايو 2012

Chanel, Diane and Cannes


بكرا إن شاء الله راح يبدأ مهرجان كان، و قبل يومين أظن (وضعي مع النت اليومين هذا مو مضبوط ما أجلس عليه 10 دقايق على بعضها)، أهم شيء أنه كان فيه عرض شانيل ريزورت 2013 و اللي كان بحديقة فرساي. فكرة العرض كان كثير فيه من ماري أنتطوانيت، و لو شايفين الفيلم حق صوفيا كابولا، بوحدة من اللقطات تطلع مع الجزم جزمة كونفيرس؟!!!، كارل أختار سنيكرز كجزم للعرض (أحسه متأثر بالفيلم)، و نفس الشيء العرض كان تقريبا كله ألوان باستيل (يعني الباستيل معانا لصيف جاي، stars قالت لي ليه ما أتكم عن الأخضر النعناع، و طلع بهذي المجوعة أكثر من لوك بهذا اللون).

 اللي بآصل له أنه ككل مجموعات شانيل أتوقع كثير سلبرتي راح يلبسون منه، لكن بما إن دايان كروقر هذي السنة راح تكون عضو لجنة تحكيم بالمهرجان أتوقع بتلبس من هذي المجموعة.


بعيد عن حكاية أنه دايان لها علاقة كويسة مع كارل، هو اللي لبسها بأول مرة طلعت لكان (بريمير تروي 2004)، و نفس الشيء بعيد عن أنه السنة هذي دايان شاركت بفيلم فرنسي مثلت فيه دور ماري إنطوانيت، أتوقع إنها راح تلبس لشانيل لو على الأقل مرة وحدة بـ 11 يوم الجايين. ما أظن كل القطع اللي بتلبسها دايان لشانيل (أتوقع تلبس لبرادا و كالفن كلاين)، و لا كلها من المجموعة هذي، لكن أتمنى على الأقل لوك واحد (الفستان اللي على اليسار مو فكرة شينة).

 إن كنتوا شيكتوا على شانيل ريزورت 2013 شرايكم بالمجموعة؟ و متحمسين مثلي لكان و ديان كروقر؟