كل مرة أحس بالحر (مو شيء جديد على جونا)، بس قصدي بعد فترة من الجو المعتدل أحلم بإجازة أو بحفلة بحديقة فيها أكل و شرب لذيذين. و لو يحصل بعد ملابس حلوة، بس مو متكلفة :). أو أضعف الإيمان لو أغطس نفسي بموية (زي إعلان سفن أب). اليوم كان من هذي الأيام.
كل اللي تمنيته اليوم إني ألبس فستان خفيف، مع إكسسوار حلو، و أبوات من كلوي من زمان عاجبتني. و أنا جالسة أتخيل الحقلة "التخيلية" جا ببالي شيء شفته بعرض شانيل ربيع 2012. الشيء اللي شفته زي مو موجود بالصورة كانوا العارضات اللي بالعرض اللي "مستوحى" من أعماق البحر حاطين لولو بكل مكان تقريبا، على شعورهم، لابسينه كأنه زمام، أو على الذقن، لكن أكثر شيء عجبني هو اللولو اللي كان ملصق على ظهور بعض العارضات. أحسه بيكون أحلى إكسسوار للصيف مع لبس بألوان الباستيل.
صراحة ما أعرف إذا شانيل راح يبيعون هذا اللولو مع مجوهراتهم أو مع مكياجهم للصيف، و لا أعرف لو كانت المكتبات تبيع ستيكارات على شكل اللولو، لما سويت بحث، أبغى أشوف إذا فيه ستكير أصلا بهذا الشكل، لقيت هنا عند مارثا ستيوارت بألوان و أحجام مختلفة، لكن مو زي اللي (كأنها قطرة)، مارثا تبيعها كورة كاملة، و لا أعرف إذا تلصق على الجسم و تثبت أو لا، بس تظل فكرة حلوة.
ليست هناك تعليقات:
إرسال تعليق