Long Jeans Dilemma

أظن إني أنتمي لمعدل الطول اللي تنتمي له أكثر السعوديات (العربيات بشكل عام) شيء بين 150- 160 سم، علشان كذا أعرف أنه تقريبا شبه مستحيل إني ألقى بنطلون طولي، خصوصا الجينز. الشيء اللي أسويه للجينز أسفطه سفطة عادية، سفطة جوا سفطة جوا سفطة، (ما يتعدى طولها 5 سم) لحد ما يصير طول الجينز مناسب. ما عمري أبدا وديت الجينز للخياط علشان يقصره لي (أعرف بنات يسوون)، ما أعرف ليه، لكن أحسه يخرب بذات الجينز. 

شفت هذي الصورة لساره جيسيكا باركر و هي بالمطار رايحة لباريس، ساره طولها 160 (يعني الطول اللي قلت لكم أنه طول السعوديات)، و نفس الشيء على إن ساره عندها فلوس كثيرة، و تعرف مصممين العالم كلهم (تقريبا)، ما منع إنها ما تلقى بنطلون جينز على طولها :) أعجبني سفطة ساره للبنطلون، أعرف أنه كأنها بتتضارب مع أحد، بس عاجبني. أمنيتي إني ألقى جينز طولي (ما أعرف ليه الشركات مو عاطيتنا اعتبار:)، لكن هذا ما يمنع إني ممكن أجرب ألبس الجينز زي ساره جيسيكا باركر. 

عندك مشكلة مع طول الجينز؟ كيف تلبسينه؟