السبت، 11 فبراير، 2012

Winter as I Wish

قبل يومين أو أكثر بدأ أسبوع الموضة بنيويورك لخريف 2012، قلت لكم قبل، راح أحاول أكتب عن ماركات ما قد كتبت عنها بهذي الأسابيع، لأني أحس إنها فرصة لي إني أتعرف علي مصممين جدد، بأفكار جديدة. و أنا جالسة أقلب بالعروض زي كل مرة، شفت هذي الماركة "كريياتشيرز أو ذا ويند" ما أعرف أحس إني قريت إسم هذي الماركة قبل، لكن صراحة أول مرة أوقف عندها و أشوف ملابسها مع وعي. 


مع إني شخص (شتوي)، يعني أحب الشتاء، و عندي برد الشتاء أرحم كثير من حر الصيف، يكفي إننا ما نخيس :). إلا إني عندي تقريبا 0 ملابس شتوية :)، لكن لما شفت هذي الملابس بالعرض تمنيت إنه الشتاء ما يخلص و إني و لأول مرة ألبس الملابس زي ما هي من العرض (اللوك الأول و الثاني من اليمين سحروني)، باختصار العرض خلاني أحس إن ما عندي ملابس :). 

وش تحبون أكثر الصيف أو الشتاء؟