السنة كانت كلها تقريبا عن الطبعات، ورود، ألوان مربعات، فواكه خضار ... عدد لا نهائي من الطبعات على كل شيء، فساتين، تناننير، بناطيل، قمصان و ... و ..... يعني من الآخر، صعب أنك بهذي السنتين أبدا أبدا ما شريتي شيء بطبعات، و إن كان السبب اللي خلاك ما تشترين هو أنك ما تعرفين كيف تلبسينها، بالنسبة لي كانت أرورا سانسون المثال على كيف تلبس الطبعات صح.
أول ما شفت اللبس هذا على أرورا، كان بعروض الموضة بسبتمير، الصورة الأولى كانت بس الجزء العلوي، و تحمست إني أشوف الباقي، ما مر إلا وقت بسيط، و ألقى صورة لها كاملة. لما شفت الصورة أنجنيت أبغى أعرف من هذي المرأة، وقد إيش فاتني من ستايلها، صارت زي ما قلت لكم إسمها أرورا سانسون، إيطالية محررة بمجلة فوق اليابانية.
قلت لكم أعجبني الفستان من أكويليانو. ريموندي، أعجبني كيف مخلية الطبعات تتكلم عن نفسها، لابسة أقل قدر من الإكسسوار، جزمة أحتارت صنادل بألوان حيادية، و الإضافة الوحيدة هي الحلق الأخضر اللي على شكل نجمة بحر.
قلت لكم بالنسبة لي كذا لازم تلبس الطبعات أيا كانت، دائما مع أقل قدر من الإكسسوار، و الألوان، و اترك الطبعات تتكلم عن نفسه :)
شرايكم بموضة الطبعات؟
ليست هناك تعليقات:
إرسال تعليق