الأحد، 25 ديسمبر 2011

Inspiration 6: Messy Hair+ Green Accessory

هذا اللوك ما من ليا سيدو ما تحملت تنتهي السنة و أنا ما تكلمت عنه، بالنسبة لي ليا هنا شكلها كان من أحلى الأشكال اللي شفتها هذي السنة على الريد كابيت. يمكن أبالغ، خصوصا إني من السنة اللي فاتت، قلت لكم إنها عاجبتني قوة، كل شيء فيها حلو (يمكن بتصير بالنسبة لي كيرستين دونست الثانية:). 


أولا ما أعرف فستانها من وين، على الأغلب برادا، لكن مو أكيد (هذا تخميني)، الفستان ما يهمني هنا، أكثر شيء عجبني شعرها. على إنها لابسة فستان سهرات، ليا تركت شعرها بتسريحة جدا بسيطة (فوضوية)، و وجه من دون مايك اب كثير ... بعض الصور زي هذي، تخليني أتمني أنه الحين تجيني مناسبة كبيرة، علشان أسوي زيها. 
الشيء الثاني اللي اللي أعجبني هو إنها أختارت شنطة خضراء مع فستان زي كذا كله ألوان كلاسيكية ... قولوا عني إني منحازة، لكن أحس إن اختيار الشنطة الخضراء مع ألوان "تعودناها" على الفساتين فكرة عبقرية :) ... هنا بتلقون صورة أوضح للشنطة. 

شرايكم بتسريحة الشعر بالشكل هذا؟ و الشنطة الخضراء؟