كايت ميدلتون أمس كانت حاضرة مناسبة، ما أعرف وين، بس أهم شيء كان شكلها مرة حلو، لدرجة و أنا أدور صور زينة لها علشان أوريكم إياها، لما سويت بحث، و أول مرة من تزوجت بدل ما أدور بحث باسم كايت ميدلتون، من دون شعور، كتبت ببحثي دوقة كيمبرج :).
كايت بهذا العشاء، كانت لابسة فستان أسود مخمل من أليكساندير ماكوين (فستان أسود جديد يعجبني بهذي السنة)، لو ما كنتوا قريتوا موضوع الفساتين السوداء، هنا تلقونه. المهم زي ما قلت لكم، صدق أول مرة أحس إنها دوقة أو إنها شخصية ملكية، و أول مرة أصلا يعجبني شكلها من قبل ما تتزوج، و من بعد ما تزوجت، و حتى يوم زواجها ما عجبتني مرة (لو تتذكرون كتبت عنها).
الفستان هذا واضح أنه نسخة مسوية لها لحالها، لكن عند نيت آي بورتيه، يبيعون واحد نفس الموديل، لكن الجزء السفلي فيه شفاف، يمكنه بالأساس نفس الفستان، لكن أكيد إن كايت ماراح تطلع بشيء شفاف زي كذا.
عجبتني المجوهرات اللي لابستها، عجبني مكياجها (أول مرة أحبه)، بالعادة كحل عيونها سيء جدا، شعرها زي دايم حلو. يمكن لو فيه شيء وحيد ودي أغيره، هو الشنطة اللي شايلتها، ما عجبني كثير إنها سوداء مخمل (صراحة ما أعرف شعوري تجاهها، هي عاجبتني إنها مطقمتها مع الفستان أو لا :).
شرايكم بستايل كايت ميديلتون؟ وش أكثر لوك لها عجبكم هذي السنة؟
فعلاً لأول مرة يطلع شكلها حلو, بس مشكلتي مع اللوك أن كل شيء أسودxأسود, اللمسة الي كانت رح تفرق هي الشنطة. حتى الشوز كانت تقدر تبدع فيه.
ردحذفستايلها بشكل عام كاجوال, يعجبني فيها بساطتها لما تلبس لهاي ستريت -مش الستايل نفسه بس الفكرة في البساطة (وع البساطة البساطة :d)- كمان لما تتأنق ما أحسها تعرف تلبس كذا مرة شفتها بفساتين jenny packham ولا تناسب جسمها ما أعرف وش المشكلة بالضبط.. فستان ماكوين هذا عاكس جسمها بشكل كلاسي مرة وطالعة برنسيس أو دوقة مثل ما قلتي :)
فكرة البساطة قالت لي إياها أختي، قالت لي كايت غيرت لبس الأميرات، أول ما كانوا يلبسون بالطريقة هذي، و كنا نتناقش أنه يحمد لها، إنها ما تصرفت بطريقة اللي توه شايف خير :D.
ردحذفصحيح بجيني باكام، مع أنه الفستان حلو، لكنه مطلع جسمها بشكل مو حلو (كانت نحيفة مرة)، لكن هذا الفستان أول مرة أحس أنه خدم جسمها.