الاثنين، 11 يوليو 2011

You Can't Fake Fashion

قبل أسبوع تقريبا عرفت أنه فيه تعاون بين eBay و CFDA اللي هي جمعية المصممين الإمريكان، على أنهم بيطلعون شنطة مكتوب عليها: "you can't fake fashion" "لا يمكنك تزييف الموضة". الهدف منه أنهم يوعون الناس من الأشياء المقلدة. 
صراحة أنا ما أحب بذات الشنط المقلدة و خصوصا تقليد الماركات المعروفة مثل قوتشي و لوي فيتون و ووو المهم، سببي مو أخلاقي، بس إن شكلها رخيص، أفضل شنطة من محل عادي على شيء مقلد بشكل سخيف، و أظن أنه مع هذي الموجة، موجة "نسخ" الموضة من الهاي فاشن للستريت فاشن صار فيه كثير شناط حلوة، و على الموضة، بسعر مقبول. 


اليوم قريت إيميل من eBay أنه تم عرض الشنط للبيع، فتحت على الصفحة و لقيت شنط مرة حلوة (طبعا كلها خلصت، ما أعرف كم نسخة مسوين)، أكثر وحدة أعجبتني فيهم، هذي اللي فوق من تصميم آدم. سعر كل الشناط كان 150 دولار، طبعا ليه أكتب لكم عنها و هي مخلصة، لأنه لو أعجبكم شيء منها أعتقد بعد فترة راح نلقى ناس عارضينها للبيع من جديد على eBay و طبعا بتكون أغلى من السعر الأصلي، بس لو كانت عاجبتكم مرة، دوروا عليها من جديد بالموقع. 
و لو ما كنتوا متحمسن للشراء، و بس تفرجتوا على الصفحة لقافة زيي، قولوا لي وش أكثر شيء أعجبكم.