من فترة و أنا مو عاجبني ستايل إيما واتسون، خصوصا بعد ما قصت شعرها، بس صايرة أحط لنفسي نظام إني ما راح أهزأ أحد هنا، على الأقل من دون سبب، اللي ما يبغى يلبس زين لا يلبس زين هو حر.
اللي خلاني أكتب عنها اليوم هو أنه الستايلست حقتها هي كارولين سيبر (على خبري)، و اللي أشوفه إن كارولين تلبس أحسن من لبسها، الشيء اللي بأقوله، إذا كارولين تفضل إن شكلها يطلع أحسن من زباينها، تترك الشغل، و تصير زي كثير من السلبرتي، اللي مالهم وظايف بس بكل مكان طالعين و يلبسون ملابس غالية و الناس تصورهم زي أوليفيا باليرمو و أليكسا شونق.
الفترة هذي هي فترة الترويج للجزء الأخير من هاري بوتير، إلى الآن ما شفت شيء على إيما خلاني أقول واااااو أو على الأقل، أفكر إن شكلها حلو. البنت كيوت، جسمها طبيعي بسهولة تقدر تكون حلوة أو على الأقل أحلى من كذا.
اليوم كانت إيما عند دايفيد ليترمان، لبست له لبس من بليمان خريف 2011، الفستان معدل، بس حتى بعد التعديل ما عجبني عليها. الأكتاف الكبيرة ما لبقت لها، خصوصا و إن رأسها صغير (هنا من زاوية ثانية و بتعرفون وش أقصد).
الشيء الثاني اللي ما عجبني أبدا أبدا أبدا ... هي الجزم ويجز؟!! يعني فستان زي كذا غريب، و ترتر الظن المفروض تختار له خيارات أكثر فخامة و تطرف و تناسب اللبس مو وجز تصلح مع فستان صيفي فلورال أو جينز و تي شيرت.
الصورة اللي على اليسار زي ما تشوفون هي الصورة الأصلية، الصورة اللي على اليمين تعديلاتي، و سامحوني على البربسة هذي، بس ما عندي فوتوشوب، فالشغل على قد الحال و الشكوى لغير الله مذلة P:.
لأنه ما عجبتني الأكمام شلتها من الطرف الثاني مع إن شكل الفستان عاجبني كذا، بس مو عليها، أعرف أنه تقريبا راحت فكرة الفستان، بس على الأقل أظن أنه كذا بيطلع مناسب لها.
الجزم من أليكساندير ماكوين حلوة مرة، صحيح أنا شوهتها بالشغل حقي، بس تلقونها هنا عند net-a-porter.com بـ 2731 ريال تقريبا.
شرايكم بشكل إيما، و وشرايكم بالتعديل؟
ليست هناك تعليقات:
إرسال تعليق