الخميس، 13 يناير 2011

Pinky Golden Globe

الأحد الجاي جوائز القولدين قولب، ما أعرف مين راح ينقلها، إذا تعرفون الله لا يهينكم، علموني ... أكثر من مرة قلت لكم إني ما أحب كثير الفساتين الوردية (مع ذلك هذا الموضوع الثاني لي بإسبوع عن فساتين وردية:) ... لكن زي ما أنتم عارفين مجموعات قبل الخريف تطلع وحده ورا الثانية، و شفت هذا الفستان من ديريك لام و عجبني.


أول ما شفت هذا الفستان، و لأن عندي (شوي) بس شوي فوبيا اللون الودي (عجزت أشتري cover لجوالي لونه وردي مع أنه أعجبني). المهم إني أكيد ما فكرت فيه فيه لنفسي، بس فكرت أنه لازم وحده تلبسه للقولدين قلوب ...
خصوصا أنه على إني ما أحب الوردي (زي ما قلت لكم مليون مرة) لكن فيه أكثر من فستان وردي انلبس بالقولدي قلوب كانوا مره حلوات.


الفستان الي على اليسار على كاميرون دياز، أظن أنه هو الي عرفني على ريتشيل زو، لما شفتها تعدل على الفستان ببرنامجها على شان تلبسه كاميرون للقولدين، طبعا كنت مبهورة، أنه فيه أحد بالعالم يقدر يقول لكارل لاغرفيلد (الفستان من شانيل) عدل شغلك :)
الفستان الي على اليمين لبسته ديان بالقولدين قلوب السنة الي فاتت، و قلت وقتها أنه يجنن، و يكفي أنه من كريستيان لاكوار، تدرون إني أحبه ...
الفستان الي بالوسط الي لابسته ماقي جولنهال من فيرساتشي، بعد لابسته السنة الي فاتت بالقولدين قلوب ... الفستان زي فساتين فيرساتشي بالعادة، لو تشوفها معلقة، تصير بايخة مرة، بس يلبسها أحد تطلع حلوه مره، كأنها مفصلة على الجسم.


نرجع لفستان الديريك لام، اللي أنا قررت أنه لازم ينلبس للقولدين، من بين كل اللي راح يجون، جا ببالي هذولي الثلاثة، الي ممكن يطلع الفستان عليهم حلو. هالي بيري، بشرتها لونها مره حلو، تطلع حلوه مع هذا الوردي، آمي آدمز، ناعمة مرة، لون شعرها و بشرتها تلبق على أي درجة وردي، و بعدين الألوان الفاتحة أحلى عليها بكثير من الألوان الغامقة.
ليا ميشيل نحيفة، و تلبق عليها الفساتين الي ما فيها تعقيد، لو تلبس هذا الفستان مع شعر متروك و أساور ذهبية كبيرة أعتقد بيطلع شكلها مرة حلو.
بجد بجد أتمنى أشوف الفستان على أحد، و لو ما كان أحد بالقولدين لو يكون بمكان ثاني، أهم شي ينلبس (آقترح كايت بسوورث) .