Wild World

أظن إن السنة هذي الي بتخلص سنة الحيوانات :) بدت مع مجموعة أليكساندير ماكوين ربيع 2010 إلي كأنها ثعابين، و قبلها آذان الأرنب مع لوي فيتون، و بعدين الفرو مع ملابس خريف و شتاء السنة هذي، و الأنمال برينت، أو طبعات الحيوانات الي صارت بكل مكان.

ما أعرف وش بيصير علي السنة الجاية، بس الشتاء هذا كله أنيميل برينت، و فرو ... يمكن تكلمت عن هذي الشيين بأكثر من مره، بس لما شفت فنيسا هودجينز بالهودي هذا غرت منها، ما أعرف ليه بس حبيته، مره، ودي لو عندنا شتاء صدقي (بعض المرات) علشان أجرب هذي الأشياء ... مو بس الهودي عجبني، عجبني اللبس الي لابسته معاه، صح الشيرت دريس مع الهاي سوكس (الشربات الطويلة) طالعة مره حلوه (خصوصا أنه الشربات الطويلة من الأشياء الي كاثرة بهذا الشتاء). بس أحسه بيطلع حلو على وحده من بنات أولسين، ببنطلون جينز سكيني، و قميص وسيع.

الهودي هذا الي على شكل راس ثعلب موجود هنا، سعره مو رخيص خصوصا الي زي حق فينيسا، بس لو كان عندنا شتاء بارد و طويل، أشوفه يستاهل قيمته 730 ريال.