السبت، 18 ديسمبر 2010

Like a princess

ما عندي شي هذي اليومين، و جالسة أدور على شي أكتبه و ما لقيت المهم، أنه قبل يومين شفت فيلم Princess Diaries أدري فيلم سخيف و بايخ، بس و الله مو ذنبي ذنب mbc Max  ...


الفيلم للحق ما فيه شي يسوى .. بس لما شفت الأخير، لما بدت آنا هاثوي ترقص مع ذاك الحلو (شوفوا الوصف بس). بعد زواج نيكول رتشي، الي قلت لكم عنه (ترا الصور طلعت شوفوها هنا). جاي على الربيع زواج كايت ميديلتون من وليم (حاسة فستان زواجها بيكون بايخ) ... قلت لكم شفت آن بالفستان، و جا ببالي هذا الفستان من مجموعة خريف 2011 لجايسون وو.


ملابس الخريف لسا بالمحلات، بس على ما أظن أنه جايسون ما ينباع برا أمريكا، يعني للي خاطرها فيه، و لسا ما جوا الناس الي تعرفهم من أمريكا، يمكن توصي عليه قبل ما تنشال ملابس الشتاء من المحلات و ترا فيه تخفيضات، و المواقع الي تبيعه، ما عرضت هذا الفستان. بشكل عام أنا ما أحب الفساتين هذي  fairy-tale ، بس لو كانت فستان عروس يمكن الوضع مختلف، ما أظن أنه كايت راح تلبس لجايسون وو، لأنه أمريكي، و الأغلب إنها بتلبس لمصمم بريطاني.
قلت لكم عندي فراغ، و لما شفت الفستان حق آنا زي ما قلت لكم، قلت يالله نكتب عنه، للي يحب هذي النوعية من الفساتين، خصوصا إني لو ما كنت مره مع الفساتين النفاشة، أحب كثير النقش الذهبي.

ما لقيت صور أحسن لفستان آن، بس أنتم لو تحبون الأفلام البايخة (شرايكم بالأسلوب؟!!)، شوفها.