الجمعة، 5 نوفمبر 2010

Shirt, Belt and Evening skirt

أذا كنتوا إلى الآن متذكرين، قائمتي لأفضل الأشياء بنيويورك قلت أنه بخاطري تنورة رالف لورين الفضية ... و أعجبتني فكرة الشيرت مع تنورة فخمة. الشي الي مبسوطة عليه إني لبست اللوك هذا قبل أي سلبرتي على ما أعتقد، صح تنورتي مو مره فخمه، بس يعني كنت لابسه شيرت، مع تنورة و التقدم الي سويته هو إني لبست حزام مع إني مو ذاك الزود مع الأحزمة.



اليوم و أنا أتصفح مواقع القوسيب بشكل أساسي Jestjared.com شفت أول شي كاميلا بيل بهذا اللوك الي مأخوذ بعد من مجموعة الربيع لرالف لورين، إنبسطت أنها ما لبست تنورتي (يعني إني أنا راح ألبسهاP:) نزلت شوي بعد و لقيت بلايك لابسه شي نفس الفكرة: شيرت، حزام و تنورة فخمة، ما أعرف لبسها من وين، بس حركة الشيرت يطلع من تحت التنورة شفتها أعتقد بعرض لكلوي، و أعجبتني الحركة ... بين الثنتين أظن إني حبيت بلايك، لولا الحزام ما أعجبتني سالفة التعقيد هذي الي طايحين فيها الناس، أحس فيها استعراض بايخ.
كاميلا حسيت أنه فيه شي ناقص، شكلها باهت، و شعرها ما أعجبني، يمكن لو إنها شادته قوه ذيل ناعم يمكن يطلع أحلى، الجزم بعد ما أعجبتني، آخر شي الحزام أعتقد إني الي كان بالعرض أحلى ...
شرايكم أنتم بالحركة؟ ممكن تلبسون كذا؟

تحديث: بلايك لابسه من فيفيان ويستوود خريف 2011 اللوك كامل ما عادا الجزم.

ليست هناك تعليقات:

إرسال تعليق