الاثنين، 11 أكتوبر، 2010

Peach Sheer Dresses

لسا ما كتبت القائمة أدري، بس زوعدكم راح أكتبها قبل الأسبوع الجاي ... بس جا ببالي أكتب هذا الموضوع عشاني حبيت هذي الفساتين اللي شفتها بعرض ايلي صعب، و لقيت من الأشياء الي يدورون الناس عليها ووصلوا فيها لمدونتي "الالوان الورديه واللحميه للشيفونات" فقلت هذي فرصة نكتب عنها.
بداية أنا مو من المهووسين بإيلي صعب، عنده فساتين حلوه إيه و أحبه أكثر من أي مصمم لبناني ثاني يعني أحسه أكثرهم عارف بالشغلة زين، لكن ما أحسه موودي باللبس ..
صح إنه مو أحسن واحد عندي، بس إيلي أبدا مو خسران عشاني ما أحبه، فيه ثنين يموتون عليه، العرب و السلبرتي يلبسون له كثير ...

بهذي المجموعة، و الي يمكن من أكثر المجموعات الي حبيتها له من فترة ويلة، حبيت عنده الفساتين الي أقمشتها خوخية، عجبتني مرة، و لا عندي مانع أكيد بلبسها أبدا خصوصا الي بالوسط ... الأول من اليسار عجبني بس مو لي، حسيته بيطلع حلو على وحده طويلة، و أهم شي عجبني فيه غير الأكمام أنه إيلي ما سوا فيه شي دايم يسويه بأقمشته و هو الشك الكثير، و الي طالع بالفستانين الثانيات ...
أعرف إن زواجات كثير منكم قربت، يعني على الأضحى و بعدين الصيف يعني أكيد بتفكرون بفساتين زي كذا، و أكيد بيجي ببالكم إيلي، و طبعا لأنه كثير متأكده أنهم ما راح يقدرون يشترون منه يا لسبب السعر أو الوقت (ماراح تنزل ملابس الصيف الإ بفبراير زي ما قلت لكم قبل)، فما أعرف إن كنتوا تعرفون هذا الشي أو لا، بس فيه محلات تبيع أقمشة زي أقمشته، يعني توريهم الصورة و يودونها للمعمل حقهم، فيقوم المعمل و يشكها زيه بالضبط ... الي مهتم يعرف عنها يقولي برد، وراح أعلمه وين :)