السبت، 9 أكتوبر 2010

Abbey in the Maxi

خلص إسبوع باريس تقريبا من ثلاثة أيام صح لسا ما كتبت قائمتي لباريس بس ودي اتكلم عن شي عجبني مره شفته طول هذا الشهر، وهو التنانير الطويلة على آبي لي.

الي يتابع هذي المدونة يعرف إني أحب التنانير و الفساتين الطويلة مره، خصوصا لبس كل يوم ... و شي ثاني أقدره هو لما أشوف عارضة تلبس زين، هذا معناه أنها علي قولة المصريين "مش حماره" يعني فاهمة وش هي تسوي، لأنه صدق ما أعرف وشي هذي الي تخلص كل عمرها بين الملابس الحلوه و لا تعرف كيف تلبس ...

الصور الي حاطتها صور لآبي قبل أو بعد بعض العروض و لابسه فيها تنانير طويلة ... تشوفون بالصورتين الي على الأطراف آبي لابسة تنورة طويلة، و مو بس كذا شفافة يعني جامعة الزين كله ... تعجبني الجاكيتات الي تلبسها مع التنانير، حلوه مره، خصوصا المخمل و الريش، المخمل عندي جاكيت مخمل أحبه، هو للحق مو مره ذاك الحب، بس أقدره و أقدر أنه جالس معاي من سنوات، بس خاطري بعباية مخمل أزرق أعرف أنه شي صعب ينلقى بس حلو، أما الجاكيتات الفرو أو الريش هذي موجودة عشان تقهرني، أحس أنه حنا صدق محرومين، يعني لا يجينا شتا قوي، و نلبس عبايات؟!! حتى لو كان فيه شتا و لبسته بعزيمة حس إني على قولتهم come on ترا البيت دفا يعني ماله داعي الحركات البايخة يقال إني كشخه ...
أشياء ثانية حبيتها بملابس آبي تكمل اللوك حقها ..
* الشنطة المولبري الي عليها نقشات فهد (نقشات الفهد أو اللبورد صايرة بكل شي، و تحلي كل شي، الله يوفقني و أحصل شي حلو عليه هذي النقشات)
* الإكسسوارت الكبيرة (السلاسل و الخواتم)
* و أكيد النظارات xoxo

هنا صور ثانية لآبي بملابس طويلة و كالعادة حلوه مره