60s Make Up

من فترة و أنا براسي يلعب مايك آب الستينات ... أصلا من كنت صغيره لما أشوف الأفلام القديمة، و طبعا أكثرها أسود و أبيض كنت أقول وش الشي اللي خليهم حلوين، كذا، طبعا ما كنت أميز كثير، و لا أعرف وش الي يسوي الفرق بين المايك آب حقهم و حقنا، طبعا كنت أحسب أنهم ما يحطون مايك آب لأن وجههم شاحبة، و الروج باهت ... المهم إني حابة المايك آب من أول مره شفت Breakfast at Tiffany's على أودري هابيرون حبيتة (طبعا أكيد أي شي على أودري راح أحبه)، بس فكرة إني أحطه ما جت إلا بالوقت هذا، لما كثير ماركات رجعت مع موضة الستينات، الي تكلمنا عنها قبل ... المهم أنه طلعت مجلات كثيرة مسويه هذا المايك آب كل مره مختلف شوي عن الثاني، بس الأهم الرموش و الكحل الكثيف و الروج الباهت ... ما أعرف وش يعجبكم أكثر بس أنا عجبني مايك آب لايدي قاقا مع إني ما أحبها، عجبني وجه فريا أصلا المخلوقه هذي عاجبتني قوة عظام وجهها و شفايفها خيالية (الصف الأول، الصورة الثانية من اليسار) ... مايك آب إليكسا شونق حليو ... وإيل ماكفرسون أظن أنه الصورة حلوة بس أنا أصلا ما أحبها ...
فيه شي بالمايك آب هذا مو عاجبني هو الشدو الأسود الي يحدد رسمة العين، أحسه ما راح يلبق على أكثرنا، لأنه بشكل عام عيوننا كبيرة، و لا تحتاج كل هذا، الحد الي أتكلم عنه مو واضح هنا، بس واضح على مايك آب جنيفير آنستون بهربر بازار عدد سبتمبر الجاي، الي مسوينها مأنها باربرا سترايسند ... العدد هذا هو الي أخرني عن تنزيل هذا الموضوع لأني كنت أنتظر صور كبيرة، بس لسا العدد ما نزل .. فراح أحط رابط و تفرجوا أنتم الصور مره حلوه