RTO: No one would notice me with right pose

كنت أحسب أنا الوحيدة الي طفشت من حركات كريستين ستيوارت لما تتصرف إني مطنشة و لا لي في أحد، بس إلى الآن أظن إني الوحيدة بالعالم الي متأكدة إن كريستين تتعمد إنها تسوي إنها ما تعرف تسوي بوز قدام الكميرات ... غير أنه يقهرني إنها ما تحترم المصورين الأهم ما تحترم بالحركة هذي الفستان الي لابسته. شي ثاني ودي أشطرها على شانه هو شعرها الخايس الي مقصوص بسكين ... أوكي ما تحبين الفاشن إلبسي مقطع و ريحينا بس لا تخربين فساتين ... الي حاصل أنه لسا المصممين يلبسونها ملابس حلوه (الله يعافي تولايت) و يعزمونها على عروض، و هي لسا مسويه "مهوية" لو تشوفونها بالفرونت روو لبوربري بعرض خريف 2010 بجد أحس لو أنا حقت بوربري كان حطيتها على البلاك ليست، تعرفون لما اللاعب يكون مصدق نفسه أنه مهم و يخطونه بالاحتياط، يبدا يسوي حركات إني مال و أنه مو عاجبته المبارة ... بلا مبالغة كذا كانت .
نرجع للفستان الي اخترت لها لإنها بتقدم جائزة للأوسكار، أول شي أخترت هذا من ألبيرتا لأني أحب فساتين الفلابير بشكل .... الشي الثاني أحب نعومة ألبيرتا و أحس ألوانها و قصاتها بتمشي مره على كريستين لو تربت ... الشي الأخير ما أحب أشوف كريستين بفستان طويل لأنها تهين الفساتين