(اضغط الصورة عشان تكبر)
مع إني أحب الأشياء الهيبي أكثر، و الي أقل قدر ممكن من الدلع إلا إن جزء فيني دايم يحن لقصص ديزني القديمة، و الورود و الفساتين النافشة ... أسبوع نيويورك جاب الإثنين الورود و الفساتين النافشة ... ما أعرف وش يسمى هذا النوع من الملابس الي يصير قماشة كأنها ورود متلاصقة بس تقدر تلاحظ أن أكثر العروض فيها واحد من هذي الفساتين. المصممين زي دايم من اليسار لليمين:
Jason Wu, Badgley Mischka, Mullberry, Tibi
الي حبيته بجايسون وو أنه قدر يتخلص من الشخص الي كان سبب بشهرته و هي ميشيل أوباما ... يمكن أكثرنا شاف اللبس الي لبسته بحفل التنصيب، و يمكن كلنا توقعنا أنه بيكون ينسخ الملابس الي سواها لمشيل ... بس جايسون بالكوليكشن هذا و الي قبله أثبت أن ملابسه مو بس لمشيل. أرجع للفستان عجبني فيه لونه، و أنه أوف شولدير، خصوصا القطعة الي فوق طالعة حلوه
بادقلي دايم عندهم أشياء حلوه، و بالنسبة لي هذا واحد منها ... فستان بتصميم عادي لكن بقماش رايق.
مولبيري طلع بفستان كأنه تنورة و توب، الحلو فيه أنه يصلح لحفلات صغيرة، و مع بروش ذهبي زي الي هم حاطينه ممكن بسهولة يصير حق سهرات.
تيبي: العكس هنا صدر هو المكركش أو ما أعرف كيف مع تنوره ناعمة شيفون و ألوان تقليدية ... فستان ببساطة يطلع حلو على أي أحد.
ليست هناك تعليقات:
إرسال تعليق