I Love Hats

أنا صدق أحب القبعات .. مدري ليه أشتريها و أنا ما أقدر ألبسها هنا .. هذي قصة طلعتها على كايت هادسون .. الي قبل يومين كانت طالعة و شافت هالقبعة، و اليوم الصباح طلعت فيها :) ...
شوفها قبل ما تشتريه بالفقرة الجديدة الي على اليمين Look of The Day .. بالمناسبة هذي الفقرة بتتغير كل يوم تقريبا .. على أحلى لبس كل يوم.

Welcome Back Nefertiti

ما فرحت أكثر من فرحي برجعة ميشا للبس الحلو .. لأنها بجد ذوووق .. و تستاهل الواحد ينبسط على لبسها. لبسها الأخير بـ BAFTA تحس أنها وحده تآخذ اللبس بجد، و يهمها إنها تخترع، المهم لابسة لبس كحلي سواريه ما فيه أي شي .. الفكرة بالعقد الذهبي الي فوق .. حستها كأنها فرعونية .. بس من جد فكرة حلوه تحتاج واحد جريء .. مو بس كذا المهم إنها توريك إن كنت لابس مجوهرات كبيرة، رجاء لا تلبس لبس معقد .. لأن المجوهرات لحالها لبس .. خل الذهب يطلع ..

مواضيع ذات صلة:

We Love Matthew Williamson

Mischa Barton (زمان يا فن)

مدري وش كني و أنا أصوم و أصوم .. و مرة وحده أنزل 3 مواضييع .. بس و الله الفترة الي فاتت عجزت و أنا دور شي ينكتب عنه ما لقيت ..

قبل تقريبا شهر بحفل MTV بسدني لبست أودرينا بريج هذا اللبس صح اللوك على بعضه يوحي بالتسعينات .. بس مو شين يعني .. أمس و لورين رايحة لـ The Late Show مع دايفيد ليتريمان .. و تلبس لبس كنه أخو لبس أودرينا ما فيه فرق إلا شكل الترتر، و إلا اللون واحد.. و فتحة الصدر وحده، صح مختلفة شوي بس يعني مو ذاك الاختلاف يعني باختصار كأنه فستان واحد .. يعني معقوله صديقتين يشترون فستانين متشابهين .. أنا وصديقاتي ما نسوي كذا .. مدري عنكم؟!!!

بس شوفوا وجيههم مو تقل كل وحده ودها تقهر الثانية .. أطمنكم يا The Hill كلكن ما يلبق عليكم شي :).

أنا رزه ..

ما أمداني أمدح بلايتون بالموضوع الي قبل قبل هذا، بس طلعت لي بلبس بافتتاح بوتيك كلوي بلوس أنجلس بلبس مو حلو، بس مو هو المشكلة، المشكلة جزمها الفلة .. حسستني بالإحساس الي أحسه لما أشوف وحده معها فستان أو لبس للعيد و جالسة تدور جزمه له بالضبط ..
أو ذكرتني فينا أول يوم كنا ندور لفستان الزواج جزمة زي نفس اللون و طبعا ما نلقى إلا عند بي ليس (منيب أكذب زي بعض الناس، و أقول ما قد لبست لبس موب زين بحياتي) ..

بس بجد الجزمة حتى لو كانت كلوي، و أنا مو متأكده تجيب البلا شكلها مع الفستان ..

يا عالم متى تفقهون أنه كل ما دخلتوا ألوان أكثر طلع لبسك أحلى .. وش المشكلة لو كانت جزمتها ذهبية مثلا، أو حتى سودا ؟!!!


مواضيع ذات صلة:

سمو الأميرة لايتون ..

ماريا كاري .. و الجزم ..

Soft Hippie

من فترة و لبس كايت بوسمورث عاجبني .. مع إني أكرهها بجد .. بس عاجبني لوك الهيبي الي مختارته مو هيبي هيبي يعني مخليته ناعم و أنيق، يعني ما تخلقن زي نيكول ريتشي، و إلى الآن الحمد لله ما حطت ربطة الهيبي الي قرفتني فيها نيكول و باريس هيلتون، و لا تقصر مايلي و آشلي سيمبسون ..

باللبس الأول كايت ببنطلون جينز ضيق و فاتح، الجزم أكثر شي تعقيد، مع تي شيرت قصير و تحته واحد ثاني رمادي، عجبتني لون الشنطة الجلد العسلي مخليتها جد جو ستينات ..
اللبس الثاني لابسته بمهرجان كواتشيلا للموسيقى بكليف بكارفونيا .. نقشات التنورة الحمرا، مع التوب الأبيض البسيط، الصندل و حتى الجاميت الجنز كله ذوووق.

إما لبسها الأخير بافتتاح بوتيك لكلوي بلوس أنجليس .. شكلها وااااااو التنورة و التوب ذوووق ما عندي أكثر من كذا ..

مواضيع ذات صلة:

Shining Like The Sun

We Love Matthew Williamson

أنا ما أفهم ليه بعض الناس يصرون علي فستان زي فستان ماثيو ويليمسون هذا، أول مرة شفته علي كاتي بيري من كثر ماهو قرفني ما انتبهت إلا بعدين له لما لبسته نيكي هيلتون، لأنه صراحه عليها مرة حلو .. و عجبني
اخر شي لبسته ميشا بارتون، و لي صراحة راجع لبسها حلو .. بس أكثر شي عجلني على نكي ..

بالمناسبة الموسم هذا ماثيو ويليمسون مصمم لـ H&M .. بس أكيد ما راح يصل شي للرياض أو جده .. أو أي مدينة سعودية، لأني أظن إنها ما تنعرض إلا بالمدن الكبيرة الأوربية و الأمريكية ..
زي مجموعة كايت موس حقت TOP SHOP ..

بس ألوان ماثيو دايم حلوه، الي يحصل شي منه لا يضيع على نفسه ..

[فلة ترا هذا الموضوع علشانك :)]

مواضيع ذات صلة:

Mischa Barton (زمان يا فن)

سمو الأميرة لايتون ..

لايتون على إن إسمها ما يواجه، بس شوي لا تحط قبل إسمها سمو الأميرة أو ليدي ميستير، هي أحد قالها إنها تشبه المسكينة كايت، الي يوم يصادقها وليم و يوم يتركاها، و تحس أنه ممكن يجها الحظ و تطيح على أمير بس شكله آخرتها بتصير زي غوينث بالترو و تتزوج واحد يلبس ملابس البيتلز.

ما تعجبني خلقنة Gossip Girl، أولا لأنه ما فيه شي يوضح من كثر الطبقات، و الشي الثاني، خلو عنكم من يمشي أو يروح للمدرسة كذا.

بس لايتون تلبس لبس ما عليه برا المسلسل، و الي فوق واحد منها، لبسته عند جيمي فالون، ببرنامجه، القميص ذكرني بقميص حرير لأمي، ما أدري و ينه من التسعينات، مع تحسينات ... الفكرة هي مرة ثانية تقدرين تلبسين لبس قديم، أو حتى تقدرين تغيرين فيه، مو لازم أنت طلعي لك فكرة، ووديه للخياط و لا يكلف أكثر من 100ريال.

Find Herself ..

ودك تقتل فيكتوريا بيكام قلها إنها مو مشهورة، أو قلها إن رصيدها بالبنك صفر .. ما عندها مشكلة تستمر مع زوجها حتى لو كان خاينها، و بعدين يجي يعطيها رضاوة و يترك أوروبا و دورياتها القوية، و يروح يلعب مع نفسه بإل أي، بس أهم شي المدام تآخذ تان من الفلاشات ..

حاولت ترجع سبايس قيرلز، بس ما عادوا قيرلز صاروا عجز، ما قدرت تمثل .. و آخر الحلول بس شكله مشا .. أطلقت مجموعتها للأوت كتو .. نزلت مجموعتها الثانية .. و شكل كثير حبوها ..

الملابس كلاس، مع خطوط جديدة، و خياطة جديدة .. المجموعة حلوة، و بعد ما لبستها هايدي كلوم لبستها بروك شيلدز و ديبي مازار

هذا اللبس لبسته فيكي بعد و كان عليها أحلى من هايدي، بس هايدي أحلى من العرضة الي ضايع عليها اللبس


هذا بعد لبسته فيكي قبل وهو أحلى عليها من بروك، بس العارضة أحلى منهم كلهم، بروك بعد حطت عليه حزام أسود ..

ديبي عطت الفستان هذا، بالقفازات الجلد و المجوهرات الذهبية بتصميم آرت ديكو جديد .. شكل حلو مرة، بس أصلا الأزرق النيلي هذا من الألوان الي تخلي الفستان حلو، بس يحتاج تختار له تصميم صح مع أقل خلمقه، و خربطة