The New Half Shaved Head

أول ما شفت القصة هذي على رازموند بايك قبل أسبوع أو أكثر، ما كنت أتوقع أحد بيسويها غيرها (مع إني ما توقعت إنها ممكن تسوي قصة زي كذا). المهم، اليوم أكتشفت شخص ثاني مسوية نفس القصة (بعد إنجليزية) هي سيينا ميلر، فقررت إني أتكلم عنها. 

ما أتذكر وين بالضبط أول مرة شفت هذي القصة  بس من زمان (أكيد شفتها قبل ما تقصها رازموند)، عجبتني، بس ما كنت أعتقد إنها قصة ما تصلح إلا لتسريحة: مالي خلق، و الجو قرف، و ودي أخلص الشغل اللي معاي. (كذا أحس هذي القصة تقول). علشان كذا ما قد فكرت فيها أبدا لنفسي (و إلى الآن ما أفكر فيها). أعتقد أنه حتى مع مكياج و تسريحة كل الثنتين القصة تعطي يا شعور مالي خلق أو (أنا bad a**) ما عندي مشكلة بالثانية، بس أحس بعد مو كل واحد يضبط عليه هذا السلوك، إلى الآن لما أشوف صور رازموند بالشعر هذا أعجز أربطها بالمرأة اللي أشوفها بالأفلام و على الريدكاربيت. 

مع أنه كريستين ستيوارت قصت شعرها قريب (قصة مختلفة)، بس أحس هذي القصة ممكن تكون مناسبة مرة عليها. ما علينا ننتظر و نشوف مين راح يقصها بعد رازموند و سيينا. 

أنتم وش رأيكم ممكن تقصونها؟ أو حتى قصيتوها قبل؟ 

Best Dressed: February '13 Winner

ما أعرف وش مشكلة التصويت، بس لاحظت كل يوم ينقص صوت، و قفل و هو ينقص و ساوى الأصوات بين ثلاثة فساتين: إليسيا فايكندير بإيلي صعب كتور و جنيفير لورانس بديور كتور و رازموند بيك بديور. آخر مرة شيكت قبل لا يتعادلون كانت رازموند متقدمة. و لأنه هذي النتيجة اللي شفتها، و لأن رازموند عاجبتني، باختار رازموند، باعتبار أني صوتت و صوتي راجح كفتها P:. 

كثير لبسوا من هذي المجموعة (ربيع/صيف 2013)، بس لحد الآن ما شفت أحد لبسه بهذي الطريقة. أحس شكلها حلو من دون تكلف. شعرها حلو، مكياجها حلو، كل شيء أنيق، بس بلمسة "عصرية". 

غير أنه رازموند تستاهل، ديور يستاهل أنه يكون واحد من فساتينه أحلى فستان لهذا الشهر، خصوصا أنه كان فيه 3 فساتين كانت مرشحة. 

* بكرا إن شاء الله راح أحط أحسن ملابس مارس، و باجرب خدمة تصويت جديدة، إن شاء الله تكون أحسن من هذي و لا تحذف أصوات.