اليوم كان فيه عرض دولتشي آن قابانا فكرته كانت الأم، أعتقد الفكرة جت من حمل بيانكا بالتي (عارضة إيطالية ووجه لدولتشي آن قابانا). و بعض الملابس خصوصا اللي عليها رسومات، كانت مأخوذة من فستان أنجلينا جولي هنا. صراحة على إني حسيت الفستان اللي حطيت رابطه مافيه أي ابتكار، أعتقد المجموعة بشكل عام حلوة.
أشكال الملابس ما تغيرت عن مجموعات دولتشي آن قابانا بالسنوات الأخيرة، الشيء المختلف زي دايم النقشات. صراحة من المجموعة اللي فاتت اللي كان فيها تأثير إسباني، عرفت إن فكرة دولتشي آن قابانا بإنهم يسوون ملابس كلها مستوحاة من صقلية ما راح تطول. خصوصا إن أشكال الملابس ما راح تتغير، كل اللي يشتغلون عليه هي الطبعات. على إني أشوف بعض الأشياء كأنها من روموي (اللي ما يعرف روموي، هو موقع يبيع ملابس صيني)، لكن بشكل عام أعتقد إن المجموعة ظريفة. القطعة المفضلة عندي هي الفستان الأول من اليمين، أعجبني الذهبي مع العنابي، أعجبني بعد بروز الوردة. الفستان اللي أظن أنهم فيه قلدوا فستان أنجلينا جولي، ظريف، صح مو مبتكر، بس للي يدور فستان زواج يشبه فكرة فستان أنجلينا، أعتقد هذا فستان مناسب بسعر أرخص.
وش رأيكم بالملابس و رسومات الأطفال، طبعات الورود على ملابس دولتشي آن قابانا بهذا العرض؟
ليست هناك تعليقات:
إرسال تعليق