السبت، 21 فبراير 2015

London's Upcoming Red Carpet Star

نرجع لأسبوع لندن، بعد ما تكلمنا عن عرض توم فورد اللي بلوس أنجليس. كل فترة أحس لندن، تطلع مصممين جدد يصير لهم مكان الثابت عل الريدكاربيت. بعد إيرديم ثم كريستوفر كاين، ماري كاترونزو و الموسم هذا إيميليا ويكستييد كانت موجودة بأكثر من مناسبة على الريدكاربيت. يمكن لو تتذكرون أهم لوك كان ديان كروقر بالقولدين قلوب

أولا خلوني أعبر عن مشاعري تجاه هذا اللون الليلكي، ما أتذكر إني شفت شيء زي كذا قبل هذا عروض الخريف، لكن شفت ملابس حلوة بهذا اللون بعرض تيبي مع حلق ذهبي و كوشني إي أوكس أحس اللبس هذا بيكون حلو على ديان كروقر أو كايت بلانشيت، السماوي عجبتني مرة أكمامه، أحسه بيكون حلو إيما ستون، أما الفستان المنقش، ودي أشوفه على فريدا بينتو، أعرف إنها ما تطلع كثير، و لا تنوع كثير بالملابس اللي تلبسها بس أحسه بيكون حلو عليها أو على، كارمين إيجقو،  أو لو على فليستي جونز. أما اللبس الأخير ودي أشوفه على جينا ميلون. 

وش رأيكم بالألوان؟ و بملابس إيميليا بهذي المجموعة و على الريدكاربت؟ 

ليست هناك تعليقات:

إرسال تعليق