الأحد، 9 مارس 2014

You're Gold

فيه بعض الأشياء ممكن يشوفون الناس إنها كثيرة، و إني كثرت منها، بس ما راح أستحي، و بأقولكم أنه كل مكياج شفته هذي السنة فيه ذهبي أعجبني، و تحمست أسويه، أعرف إنها تريند، و بعض الموضات إذا كثرت، باخت، بس هذي الموضة لحد الآن عاجبتني، و هي الذهبي تقريبا بكل مكان بالجسم (غير الملابس و المجوهرات). و لأن مرة متحمسة، كل شيء شفته بإديتوريال أو ريد كاربيت أو حملة إعلانية، دورت على شيء ممكن أسوي اللوك فيه، هنا بعض الأشياء اللي أعجبتني.



(ماسكارا من إلف ب 7.5 ريال |تاتو ذهبي مؤقت من مستر كايت ب 45 ريال |كحل سائل ذهبي من نيكس ب 17 ريال)


لأنها موضة، و ما أعرف إلى متى بتعجني، بس واضح إنها ما راح تكون بس للصيف الجاي، بعد للشتاء اللي بعده، بس إني كنت أدور على أشياء كلها أقل من 50 ريال، علشان لو طفشت، على الأقل ما أكون شريت ماسكارا شانيل بأكثر من 100 ريال. 
من الماسكارا الذهبية اللي كانت بمجموعة شانيل لأعياد الميلاد (فوق أول من اليمين على جاك) للكات أي من عرض باجلي مشيكا خريف 2014  و حتى مكياج شانيل لبري فول 2014 اللي حاط على الوجه شيء ذهبي، و لأني أعرف أنه ممكن ما يكون لوك مناسب برا الكات ووك أو الإيدتوريالز، أحس تاتو ذهبي على النحر، أو حتى لو كنت جريئة شوي يمكن تاتو صغير على الجهة اللي عند منابت الشعر عند العين (ما أعرف وش اسمها) أظن بيكون حلو، و إذا ما تبغين تشترين التاتو، تقدرين تستخدمين الكحل الذهبي، و ترسمين فيه اللي تبغين. 

وش رأيكم بالمكياج الذهبي؟ ممكن تسوون أي شيء منه؟ ما عجبكم؟ أو تعتقدون أنكم ما تجرأون عليه؟