الثلاثاء، 25 فبراير، 2014

The Fairest of them All

ثيم ديزني شكله ما راح يروح من الفاشن، ريد فالنتينو (الخط الأرخص لفالنتينو) عرض مجموعة بعد فيها قصة خرافية "سنو وايت" بس بنسخة ديزني، شكل العالم حاب هذا الشكل من الملابس (الكوركي شوي). أنا شخصيا أحبها، أحب لما تلبس بشكل حلو، و من دون لا يتحول كأنه بنت كبيرة جالسة تسوي نفسها طفلة في الروضة. 



بالعادة ريد فالنتينو يشبه فالنتينو، بس بشكل أقل مبالغة، و أكثر بناتية، بس شكله الماركة تبغى تآخذ منحى جديد، أو أنه هذي المجموعة استثناء، ما يهم، بس زي ما قلت لكم أعجبني اللبس كثير، خصوصا الرمبر الجينز، أقدر أشوف أليكسا شونق تقريبا بكل قطعة من المجموعة. بالعادة ما أحب الرمبر أو الجمب سوت، لي لأنه أولا صعب تفسخ لو أحتجت الحمام مثلا، و ثانيا بالذات الجمب سوت ممكن تكون مضبوطة من فوق، بس من تحت تكون مرة طويلة، بس هذي أتمنى أشوف نسخ منها بالهاي ستريت.