السبت، 8 فبراير 2014

Cool Hands

أمس كان فيه مجموعة من العروض لمصممين "معروفين" منهم جايسون وو لكن العرض اللي أعجبني كان عرض راق آند بون. ما أعرف وش الإحساس اللي حسيته بالضبط من العرض، بس شيء ذكرني بجايميس ديين و بول نيومان. ما أعرف من أي فيلم بالضبط، بس باختصار الوقت، كان شكل العارضات كأنهم عمّال، بس عمّال حلوين. 


من أكثر الأشياء اللي حبيتها بالعرض هي القميص الأبيض اللي لابسته جورجيا ماي جاقير (الثانية من اليسار). لما شفته عرفت إني باشوف عرض بيعجبني. صراحة ما أعرف وش بيكون مكتوب على القميص لو انباع (لأن مكتوب عليه جورجيا ماي) لكن أكيد باحب لو أشتري قميص أقدر أطرز عليه اسمي. أعجبني بعد شكل البنطلون (الثاني من اليمين) أعجبني كيف مربط من فوق، أعرف أنه ما راح يكون حلو على كل الناس، بس عجبتني فكرته، الجاكيت اللي كأنه ما انخاط زين (على اليسار) حبيته كثير، لكن القطعة اللي أعتقد إنها بيكون منها نسخ بالهاي ستريت هو الجاكيت اللي على اليمين، أحس إن زارا راح يسوون مثله.
أنتم وش أعجبكم من عروض أمس لو كنتوا متابعين؟ 

ليست هناك تعليقات:

إرسال تعليق