الجمعة، 28 فبراير، 2014

Candy Box

أمس كان فيه عرض مانيش أرورا، من مجموعة عروض، منه نينا ريتشي و لانفين و بالمان، لكن أرورا هو العرض اللي أعجبني، أحسه تجاري، بنفس الوقت فخم، أعرف إني الموضوع صعب شرحة، بس باختصار شكل الملابس ذكرني بعلب الحلويات اللي تنباع فيها مجموعة شوكولاتات زي مايكنتوش، بنفس الوقت كأنه ملابس من أسيا الوسطى و الشغل عليها  مرة ثقيل، و  يعطي الملابس فخامة. 


للأسف ما أشوف مانيش أرورا كثير على الريدكاربيت، مع إني أعتقد أنه مرة مناسب، خصوصا للي يحب يكون شكله مختلف، و علشان نكون صريحين كلهم يحبون تكون أشكالهم مختلفة، الفستان الأول من اليسار أحسه يصلح مرة لبالوما فيث، أعرف أنه إلى 60 بالمية ما راح تلبسه، بس ودي أشوفه عليها. أكثر لوك عجبني، وودي أشوفه على أحد، هو الفستان الثاني من اليمين، أحسه مرة ظريف، ما أعرف إذا فيه ممثلات صغار الفترة هذي، بس لو كان فيه ممثلة صغيرة (أصغر من 13) و راح تجي لأي حفل، و كنت أنا اللي باختار لها فستان، باختار لها هذا، أظن لو كان يوم عمري 13 شتفه، يمكن أموت لو ما حصلته.