السبت، 31 أغسطس، 2013

Best Dressed: August '13

ودي أقول كلمة، لو كنتوا تابعون أحد على اليوتيوب يمكن بتكونون طفشتوا منها، لكني بأقولها لأني أظن إني أول مرة أقولها و هي: أغسطس خلص بسرعة، ما كأنه أمس بس بدأ. حتى أحس ما أمداني أجمع ملابس :S ما علينا خلونا نحط الملابس اللي أعتقد إنها أحسن لشهر أغسطس. 


أعتقد هذا الشهر الملابس صيفية أكثر من الشهر اللي فات. أولا خلوني أقول قد إيش مستظرفة فستان كيري واشنطن و أحس أنه ممكن نشوف زيه بزارا مثلا، لكن ما يهم خلونا نرجع لكيري، أعجبني فستانها و أعجبني الروج اللي اختارته معاه. الشيء الثاني اللي انبسطت عليه هو إن كايت بلانشيت عندها فيلم تروج له فصايرة تطلع كثير، بالنسبة لي أعتقد كايت أكثر وحدة لبسها دايم حلو من عرفتها (أعرفها من بداية الألفية) يعني من عقد و أكثر أظن إنها ما زالت تلبس بشكل مرة حلو، انبسطت إنها لبست من مجموعة أرماني برافي الأخيرة اللي كانت عاجتني
سيلينا قوميز بعد لابسه فستان كتور، بس من فيرساتشي أتلييه، بصراحة لما شفت الفستان على الرانواي ما أعجبني أبدا(حسيته مرة رخيص)، لكن مرة عجبني على سيلينا خصوصا مع الحلق الأخضر (ما توقعت مجوهرات خضراء بتكون حلوة مع كحلي) بالمناسبة صاير كثير من لبس سيلينا يعجبني. 

Create your free online surveys with SurveyMonkey , the world's leading questionnaire tool.