الثلاثاء، 18 يونيو 2013

True Love

الشيء اللي ممكن ما أتكلم عنه كثير إني تقريبا ما عندي أي مستحضرات عناية شخصية أو مكياج، أحبه لدرجة إني ممكن أخلصه و أشتريه من جديد. لحد الآن ما أظن إني حصلت المنتج اللي يستحق إني أرجع أشتريه، بدل ما أجرب شيء جديد. لحد الآن أقصد لحد ما كتبت هذا الكلام.


أول شيء باتكلم عن مرطب البشرة هذا من سيمبل. ما أتذكر أنه أعجبني مرطب قبل، حبيت فترة إيستي لودير داي وير، بعدين على آخر فترة من استخدامي له ما عاد صرت أطيق ريحته (ريحته خيار). شريت بعدها جيرجينز ناتشورال قلو، و نفس الشيء ريحته ما عجبتني أبدا، تحملته فترة على أمل أنه يعطيني لون حلو، لكن ما فرق معاي، و لا عجبني قوامه. قررت أشتري سيمبل من دون ما أبحث (مو من عادتي) شفته قدامي و أخذته، لكن أعتقد أنه من أحسن الأشياء اللي سويته من دون ما أفكر فيها قبل. المرطب مرة خفيف، على طول يمتصه الجلد و أهم شيء إن ماله ريحة.

الشيء الثاني اللي بتكلم عنه هو هذا البام ستاين من ريفلون بذات هذا اللون اللي اسمه رانديفو (لونه برتقالي) أعرف لون برتقالي ممكن لما تقرونه تطلعون عيونكم (أنا نفسي ما توقعت أنه ممكن أحط على شفايفي شيء برتقالي). لكن لونه البرتقالي مره رايق أو ستيل أحس أنه يحول وجهي لوجه صيفي كأنه يقول أنا بإجازة، منه حبيت اللون البرتقالي، أعرف ممكن تقولون خييير ثاني، بس علشانه شريت بلش برتقالي، و بعد أعجبني (صدقوني حلو). ما أعرف ليه، أحس الحين صورتي مرة مشوهة بعيونكم بس إذا كانت خياراتي أول تعجبكم، أتمنى أنكم إلى الآن تثقون فيني :). 

وشي المستحضرات اللي ترجعون لها كل مرة تخلص، لأنكم تعرفون أنكم ما راح تلقون أحسن منها؟



ليست هناك تعليقات:

إرسال تعليق