الأربعاء، 8 مايو، 2013

That Was Cool

آعتقد هذي آخر تدوينة عن ميت قالا. هنا بعض الأشياء اللي أعجبتني، مو كل اللوك أعجبني لكن أشياء فيه، باحطها هنا، و باقولكم وش الشي اللي ما عجبني بباقي اللوك .


  • من اليمين فوق إيمي روسم، بدونا كارين أتلييه، الفستان ما أعجبني لا على ثيم المعرض، و لا أعتقد بيعجبني بأي مناسبة ثانية. لكن مكياجها (للمناسبة) و تسريحتها أعجبوني مرة، خصوصا التسريحة، أعتقد أنه أحسن ماهوك كان بالحفل أمس. (كثير أمس سووا تسريحات كأنها ماهوك). أعجبتني الجدايل مرة.
  • لي لي سوبايسكي على غير العادة ما أعجبني شكلها (بعيد عن ثيم الحفلة) حسيت الفستان مطلع جسمها شكله غريب، لكن حبيت مرة الأكمام/القفازات. هي مو الوحيدة اللي جاية بأكمام قفزات (شيكوا على كيم كرداشيان إذا مهتمين). لكن اللي يخلي نسخة لي لي حلوة بالنسبة لي (عكس اللي مسويته كيم) هي إنها قماشها خفيف مرة، تطريز الورود عليه.
  • من أكثر الأشياء اللي أعجبتني أمس حلق جيسيكا ألبا الثعبان. الحلق من جاك فارتنيان، يمكن أكثر شيء ما عجبني بالحلق، إنها لبسته على الإذنين. بالنسبة لي حلق زي هذا ما يلبس إلا على إذن وحدة، و الإذن الثانية يكون عليها حلق صغير.
  • لبس روني مارا كان جيفانشي أوت كتور، لبسها مرة حلو، بس بالنسبة لي مو مختلف عن لبسها دايم. لكن اللي أعجبني لون روجها اللي شبه أسود. أول ما شفت روني (يمكنها أول اللي شفت من الريدكاربيت أمس)، كنت أحسب الكل بيحط روج أسود أو غامق زيها، لكن أظنها كانت الوحيدة (لو مهتمين بروج أسود، ريميل كايت موس عنده روج أسود).
  • آخر شيء أيميلي بلنت بالظل هذا الوردي النيون، عجبني مرة، أعرف إني ما راح أسويه، أتذكر الدرس الأول اللي عرفته بالمكياج لاتحطين ألوان فاقعة (حمراء، صفراء، وردي) ما أعرف عن هذي النظرية، بس ما أعتقد إني راح أجربه، لكن أعتقد أنه لوك حلو لحفلة مو رسمية.