The Bodysuit

ما أعرف إن كنتوا متابعين أو منتبهين، لكن جينفير لورنس الحين بكل مكان، كله علشان فيلمها الجديد The Hunger Games، (بالمناسبة إن حصل لكم تشوفونه، لا تفوتونه الفيلم حلو). طبعا كالعادة مع أي فيلم "مهم" يطلع، نشوف بطلته على أغلفة المجلات، و جنيفير مو إستثناء. ما أعرف صراحة إلى حد الآن كم طلعت على غلاف (أعتقد أربعة)، لكن ثنين من هذي المجلات كانت جنيفير لابسة فيهم بودي سوت. 

كل المجلتين عدد أبريل الغلاف اللي علي اليسار لقلامر بريطانيا، و لابسة جنيفير فيه بودي سوت من برادا من مجموعة الربيع 2012، و الثاني لإنترفيو لابسة فيه (على ما أظن) بعد بودي سوت من دولتشي آن قابانا بعد ربيع 2012. قبل ما أتكلم عن البودي سوت، بجد مبسوطة من الغلافين، من فترة طويلة مرة ما شفت بهوليود وحده جسمها كذا، لو كان جسمي كذا ما فكرت أغير فيه و لا شيء، ولا أنقص و لا غرام ... بجد جسمها أنثوي بشكل رهيب. (علشان كذا مبسوطة إنه في أحد يقدر جسمها، مو لازم تصير مره نحيفة علشان تطلع على غلاف مجلة). 

نرجع للبودي سوت، زي مو واضح إن البودي سوت كانت بأكثر من عرض، أكثرها حتى ما يمكن تكون مايوه، و أعرف أنه مستحيل حتي بأكثر الأماكن تفتح بالعالم، ننتظر الناس يمشون فيها بالشارع، لكنها بتكون حلوة مع أشياء كثيرة. 

دورت بأكثر من مكان على بودي سوت حلوات، ممكن تلبس مع الملابس (مو بس لبس بحر أو سباحة)، و لقيت فيه مجموعة كبيرة مطلعتها وايلدفوكس (يمكن كثير منكم يعرفها قبل)، عليها طبعات حلوة. و ميزة هذي البودي سوت، أنه ممكن تلبس مع ملابس، و تقدرين تسبحين فيها. أعرف أسعارها مو رخيصة، لكن أحاول أعطيها تبرير إنها ممكن تستخدم لأكثر من شيء خصوصا إن طبعاتها حلوة، يعني للبس ممكن تلبسينها مع شورت، مع جينز (سكني، بوي فريند)، مع تنورة مكسرة مثلا (ميد، ماكسي)، فوقها شيء، لحالها فيه لها خيارات كثيرة (من زمان عاجبتني اللي عليها طبعات فضاء). يمكن هنا الصور مو مرة حلوة، لكن شيكوت عليها هنا الهيكل العظمي و هنا الفضاء، و فيه أشكال ثانية مختلفة.

شرايكم بالبودي سوت؟ و وشرايكم بجنيفير لورنس (أنا حابتها)؟