ما يطلبه المشاهدون

الصورة اللي حاطتها مالها علاقة باللي راح أقوله، لكن لقيتها مناسبة لعنوان الموضوع:)، خصوصا و الوقت ذاك كان برنامج ما يطلبه المشاهدون، أو أي برنامج يشبه له يمكن أكثر البرامج جماهيرية، طبعا على السعودية الأولى ما كانوا يحطون نساء (يعرضون مسلسلات، بس ما يعرضون فيديو كليب فيه مرأة، أو فيديو كليب لمغنية ؟!!!). ما علينا بس غير كذا أخترته لأنه يمكن أكثر غلاف ألبوم محترم قد شريته -ذاك الوقت- (أعترف شريت ألبومات أنا و أختي ما يزيدون على خمسة، ديانا حداد كانت وحده من الناس اللي بنظرنا كانوا يستاهلون D:. 

بلاش من قصة ديانا حداد و الألبومات اللي شريتها، الشيء اللي بأقوله، أنه كثير يسألوني عن تويتر و فايس بوك، ما عندي تويتر و لا عندي فايس بوك، و لا أفكر أسوي. تويتر أوكي الموقع ممكن مفيد، لكن ما أبغى أتكلم 24/7 عن الفاشن، و ملابس الناس، فيه أشياء كثيرة أهم، و لا راح  أتكلم عن وش أكلت وش شريت :) لو شفت شيء صدق مهم و يستاهل أتكلم عنه، راح أتكلم عنه بالمدونة هنا. أما فايس بوك فما أشوف منه فايده أبدا، اللي يبغى يعرف أو مهتم بالشيء اللي أتكلم عنه بيلقاه بالمدونة بعد، يعني ماراح أقدر أقدم أي شيء جديد على الفايس بوك، عندي تمبلر، أحط عليه نفس الأغراض هذي، استقبل فيه أسألة (ما عندي مشكلة مع أي سؤال يجيني، و دائما أحاول أجاوب). 

فيه بعض المرات يجيني على بحث المدونة أسأله من نوعية "وشو الفستان اللي لبسته ريانا بالقرامي؟" أسأله أعرف بعضها إجابتها، لكن ما تستاهل إني أكتب عنها موضوع كامل علشان كذا، راح أقولكم، أي سؤال من هذي النوعية، راح أنزله بقوقل بلس و أجاوب عليه (طبعا اللي أعرف إجابتها)، فإذا مهتمين، أقولكم مرة ثانية لا تنسون تابعوني على قوقل بلس هنا. و إن شاء بأجاوب قد ما أقدر على الأسئلة، طبعا، مع باقي المواضيع اللي أحطها من مواقع و مدونات ثانية. 

آخر شيء إذا عندكم سؤال، إقتراح تبغون أي شيء تقون إيميلي موجود بعني أعلى الصفحة :).