الشهر الثاني اللي أسوي فيه أفضل ملابس الشهر، و أنتم تشاركوني بتصويتاتكم، بعد للشهر الثاني يفوز فستان أبيض (ما أعرف هذا يعني إني لو رحت لزواج أو حفلة باشوف كل البنات بأبيض ودرجاته أو كيف؟ :)). مبسوطة على هذا الموضوع "أحسن فستان بالشهر"، أحسه خفيف علي و عليكم، و حلو الواحد يعرف وش الأشياء اللي تعجب الناس.
لو تتذكرون الشهر اللي فات كان معانا 12 لوك، و شكل العدد الكبير للخيارات خلى الموقع اللي أسوي عليه التصويتات يخبط شوي، و لا طلع بالإستفتاء لا مانويلا و لا ديان كروقر ... مع أنه فيه ناس كتبت أساميهم بالردود لكن هذا ما منع أنه شايلين وودلي هي اللي تفوز بفستانها اللي من فالنتينو أوت كتو ربيع 2012.
قلت لكم قبل إني حابة شكل شايلين زيكم مره، من فترة طويلة ما حسيت إني شفت شيء فخم، أنيق، راقي ... و أعتقد شايلين أعطت الفستان حقه، بالصراحة مقارنة مع الموديل، أشوف إن شايلين أعطت الفستان حياة (هنا تلقونه على العارضة). حبيت شعر شايلين معاه، شعر مرفوع بكعكة عادية (شوي كبيرة، بس مو كبر شعر أحلام بأرب آيدول :). أعجبني مكياجها جدا نظيف، وجهها يشع. المجوهرات اللي أختارتها، كل شيء كل شيء عاجبني، لو كنت راح أضيف شيء، ممكن كلتش عليها مجوهرات، لكن بكل الأحوال شكلها حلو مرة.
* إن شاء الله أحلى فساتين شهر مارس يا الليلة، أو بالكثير بكرا الصباح.
ليست هناك تعليقات:
إرسال تعليق