الثلاثاء، 28 فبراير، 2012

Shoes Seduction

بالموسمين اللي فاتوا عروض دولتشي آن قابانا كانت زي باقي الخلق، كلها طبعات ... بالموسم الجاي شتاء 2012 الطبعات قلت، حتى من بعض الماركات اللي كانت كلها طبعات زي مارني ... 
عرض دولتشي آن قابانا عجبني مرة، فيه أرستقراطية، أحس أي وحده ممكن تلبس شيء من العرض و تصير أميرة، لكن الشيء اللي دوخني بجد كانت "الرجول" :). 


فيه شيء شفته بعرض ماركيزا و أعجبني لكن بعد ما شفت عرض دولتشي آن قابانا، و رجعت لصور عرض ماركيزا طاح الشيء هذا من عيني (الشيء عبارة عن تول يلبس تحت الجزم كأنه جوارب)، قلت لكم أول ما شفت الشيء هذا عند ماركيزا حبيته، حبيت فكرة لبس شرابات مشكوكة أو مطرزة  لمناسبة كبيرة زي زواج أو حفلة كبيرة، فيه استهبال ظريف (إذا كان كلامي له معنى :)، بعرض دولتشي آن قابانا كان هذا الشيء موجود بشكل أحلى زي ما قلت لكم، المشكلة إني ببعض الصور (زي اللي على اليمين) ما أعرف الشراب جزء من الجزمة ملبس عليها من برا، أو شيء منفصل، لكن بكل الأحوال أتمنى محلات الهاي ستريت تصير ذكية، و تسوي شرابات أو جوارب زي كذا، أوعدكم أني راح أشتريها. 
الجزمة الثانية من اليسار باختصار أحسها مغسلة قديمة ... ما أعرف إن كنتوا تعرفون وش أقصد بس أول كانت المغاسل بالحمامات عليها ورود و صدف و أشياء غريبة، حبيت الصندل هذا مرة، أحس لو شفته و لا قدرت أشتريه باخربه D:. 

باختصار تقريبا كل جزمة بالعرض تصرخ تقول لي ألبسيني. أصنف نفسي إني مو مدمنة جزم، لكن ما عندي مانع لو عندي ميزانية مالها حد، كان شريت كل المجموعة. 

شرايكم بالجزم بالعرض؟ بالجوارب للسهرات؟