كنت قبل فترة كنت أدور على قمصان نوم، كان ودي ألبسها كفستان، طبعا اللي ببالي مو قميص نوم من هذولي الشيفونات و الدانتيل، بس شيء يشبه اللي بالأفلام القديمة، المهم ما حصلت اللي أبغاه، و بعدين بالصيف شفت ماريانا لينشوك (إذا كان هذا النطق الصحيح لإسمها) بزواج صديقتها (العارضة الثانية) آنيا ريبوك. و هي لابسة "شلحة" للزواج.
ماريانا ما لبست اللبس بالشكل اللي كان ببالي، لكنها لبسته بشكل حلو مرة، لبس الشلح مع إكسسوارت كثيرة و ثقيلة. بداية من الأبوات اللي أظنها لوبتين. مع شنطة مودموزيل شانيل، تشوفون يدها مليانة مجوهرات (خواتم و أسوار)، و زيادة على كذا لابسة هذا العقد الكولار هذا. بالنسبة لماريانا الإكسسوار ما وقف على كذا، أضافت معها هذي المهفة.
شرايكم بشكل ماريانا؟ و هل ممكن تلبسون شيء زي كذا (شلحة، أو قميص نوم) كفستان، أو لبس لبرا؟
مره عاجبتني الحركة, بس بالنسبة لي لما لبستها ايما روبيرتس مع جاكيت شانيل وفلات حمراء كان أحلى
ردحذفhttp://s01.imageupper.com/1/2/S1310824869997191_6.jpg