الاثنين، 28 فبراير 2011

The Oscar

هذا تقرير مختصر عن اللي شفته بالأوسكار. أول شيء زي كالعادة، ما فيه شيء من توقعاتي صار، إلا شيء واحد و مو مضبوط غوينث بالترو لبست الفستان اللي من مايكل كورس و اللي أنا اقترحته لأيمي آدمز (إلى الآن مصرة أنه مع شعر أحمر بيطلع حلو أيمي تكفين ألبسيه)، ترى غوينث ما لبست الفستان بالأرايفلز، لبسته بالحفل لما كانت تغني، و لبسته بحفلة فانتي فير آفتر بارتي.
شيء ثاني كان فيه فالنتينو، و ماركيزا زي ما توقعت آن هاثوي لبست من فالنتينو أحمر فنتاج بالأرايفلز (ما أعجبني مرة)، و هايلي لبست من ماركيزا و بعد هالي بيري. 
آن هاثوي من بين المليون فستان اللي لبسته بوسط الحفل لبست من أرماني برافي، مو اللي أقترحته، واحد ثاني أعجبني بعد، بس أظن أنه اللون الأحمر حق العرض كان أحلى، بس يمكن ما تبغى تلبس أحمرين.

 المهم نجي لأحسن لبس، أظن أحسن لبس راح للكتو، و كلهم يستاهلون جيفنشي و فالنتينو و كلها المجموعة الأخيرة من الآوت كتو 

1. Cate Blanchett in Givenchy


كايت، كايت كايت ما أعرف ليه هذي المره تعرف شلون تلبس صح من دون ما تتعب، على إنه الكوليكشين حق جيفنتشي أوت كتو للربيع أعجبني، بس ما حسيت فيه فرق كبير عن حق الخريف اللي فات، بس الألوان تغيرت، بس كيت ورتني إني كنت على غلط و أنه لا الفستان مرة حلو و بذات من ورا. إنبسطت بجد كثير على كايت، و أظن إن أمنيتي إني أشوف فستان يستاهل يدخل قائمة أفضل فساتين الأوسكار للعقد الجاي تحققت :). 

2. Florence Welch in Valentino HC


منيب مستحية أقولكم أنه أول ما شفت عرض فالنتينو أوت كتو لربيع 2011 هذا الفستان أكثر واحد حبيته، و إن كنتوا تابعوني بتعرفون أنه هذا ذوقي يعني لا تقولون عني كذابة :) أحب الأكمام الطويلة، أحب التنانير الطويلة، و الشيفونات، طيب ليه ما لبسته أحد سبب وحيد أنه ما جاء ببالي أحد ممكن يطلع فيه حلو، حتى فورانس ويلش، اللي ما كنت أدري أساسا إنها بتجي  :) للي ما قد سمع عن فورانس فلورانس هي مغنية بريطانية، لبسها مرة حلو، لو تتذكرون قائمة أفضل ملابس 2010 فورانس كانت موجودة بفستان من ديور. 
غير أنه الفستان حلو فلورانس عندها كاريزما تخلي كثير من الملابس مرة حلوة.