اليوم جاني إيميل من THEOUTNET عن أنهم عارضين ملابس لفالنتينو تاصل التخفيضات عليها %80 فتحت الرابط، و شفت أشياء مختلفة كثيرة، بس شي واحد كان ببالي هو إني اشوف لي فستان أحمر ... ما أعرف مريتوا بهذي المرحلة أو لا بس فترة كنت أموت و أحصل فستان أحمر من فالنتينو. صراحة كنت أحس أنه مافيه أحمر أحسن من أحمر فالنتينو ... أظن إلى الآن لو فكرت بفستان أحمر أكيد بيكون شي من فالنتينو.
لما أخترت الفستان أول شي طرا ببالي هو اللوك الي فوق لريتشيل بيلسون، أعرف إني ما تكلمت عن هذا اللوك، بس لو باختار أحسن فساتين السنة، أكيد هذا الفستان من روبيرتو كافالي بيدخل القائمة ... علاقة هذا الفستان باللوك الي أخترته هو اللوم الأحمر مع طبعات الحيوانات ... أنفتت بالكلوتش الحمراء الي شايلتها ريتشيل مع الفستان ... فلما جيت أختار شنطة قررت إني أطلع شي بأنيمال برينت ... و جت هذي الشنطة الفظيعة من كريستيان لوبتين ... لما آصل للمجوهرات دايم أرتبك، لأني ما أحب الوحده تمشي كأنها بمعرض مجوهرات، لدرجة ننسى كيف وجهها أو لبسها ... بعد أكثر من نظرة قررت إني أختار حلقات بدل عقد، عندي اعتقاد أنه لبس حلقات و عقد من نفس الطقم يخرب على الفستان، و يخرب على العقد و الحلقات، طبعا ما فيه ببالي غير حلق طويل و جا هذا الحلق من أوسكار دي لا رينتا، الي بالبداية ما لقيت منه إلا أزرق بس كنت مصره ألقى لون ثاني و لقيت هذا الذهبي ...
آخر شي الجزم، كرهت أنه يكون مره تقليدي، يعني الفستان الأحمر خيار تقليدي، و موديله بعد ... فقلت أختار له بوت بدل كعب عادي، بس كنت أبغى شي ما يكون ملفت لدرجة أنه يشتت فدورت شي نود و أخترت هذي الكعبات من جوسيبي زانوتي.
زي دايم إذا بغيتوا رابط زي شي ردوا عشان أحطه.
ليست هناك تعليقات:
إرسال تعليق