الأحد، 24 أكتوبر، 2010

Mask

من زمان و أنا أحب الأقنعة ... ما أتذكر من متى بس أول مره شفت الأقنعة الفانيسية كنت أموت و أحصلها، ما أعرف وين أو متى تنلبس بس يكفيني شكلها ...
وحده من صديقاتي ميلادها جاي، أكره الهدايا، لأنه تخليك تدخل دائرة ما توقف من العطاء و الآخذ، و كل مره تكبر قيمة الأشياء الي أنت تتبادلها، لما عاد ما يصير لمعنى الهدية قيمة، كنت مواعدة نفسي ما أعطي أحد هدية بميلاده، بس لأنه البنت تساهل مره، و لا أعرف لو بيحصل لي إني أعطيها شي بمناسبة ثانية ما صير إلا مره زي زواج أو نجاح أو أي بلا فقررت أنه أجيب لها هدية، و لأني مستحيل أشتري لأحد شيين ملابس و عطور لأنها شي شخصي مره، ما بقى إلا إكسسوار و هذا الشي مسخ قعدت أدور بشي ثاني و حصلت عند Etsy وش أبغى.

أولا أتمنى أنه ما تقرأ هذي المدونة عشان ما تعرف، أو على الأقل مع إني أشك، أنه ما تعرف أن هذي أنا ... الشي الثاني فكرت لها بماسك لأنها تحب تصور نفسها (كلنا نحب P:) بس هي صورها حلوه ...
الشي الثاني دخلت Etsy و أنا محبطه إني ما لقيت لها شي أحس أنه يواجه من دون ما يكون ضارب للميزانية، ما أعرف وش كنت أدور، بس إتسي عندهم كثير بياعين يسوون أشغال يدوية حلوة مره ... و من حظي لما دخلت لقيت إنهم مسووين بانر لأشياء الهالووين، فيعني عطوني أول إيحاء بوش راح أجيب لها ...
الي خلاني أجزم على على قناع، هو أنه بأسبوع الموضة كانت Vogue Paris لها 50 سنة، و مسووين حفلة أقنعة، أعجبتني أشكالهم، ودي مره أحضر شي زي كذا، يعني ألبس ملابس فخمة مع قناع حلو، بس أساسا أنا مفسدة حفلات، يعني ممكن أول عشرة دقايق أكون بوضع طبيعي بعدين آخذ لي زاوية أجلس فيها إلى ما يجي أحد و يآخذني :) (هنا صور لأحلى الأشكال الي كانت بالحفلة).
الماسك أعجبني قوه و كنت حيرانه بين أي واحد من هذا البياع (عنده ماسكات جلد حلوه مره، و معقوله) أختار، يعني كل شكل أحس يصرخ يبغاني أشتريه :) بس بالنهاية أخترت هذا الطير، و الحمد لله مبسوطة لما وصل حسيته مره حلو.

مدامي تكلمت عن الشراء من النت خلوني أقول لكم شي عن إتسي و عن الشراء من النت ... إتسي موقع يشبه eBay من ناحية أنه فيه بياعين كثار، أو كأنه سوق شعبي إذا هذا الشي أسهل لكم، يعني الي يبغى يبيع فيه، ما أعرف بإتسي يآخذون رسوم على البياعين أو لا، بس أنه حتى أنت تقدرين أو تقدر تبيع فيه لو كان عندك شي ينباع.
أكثر وسيلة تحويلات مالية يعتمد عليها البياعين بإتسي هو paypal، و الي ما يعرف وشو هذا، هو موقع تسجل فيه لو كان عندك بطاقة إئتمانية زي (فيزا، ماستر كارد) أو حتى بطاقة بنك عادية (ما جربت بس هم يقولون) و خلاص لما تبغى تسوي أي عملية شراء أو حتى بيع، ما يحتاج أنك تحط رقم بطاقتك بكل مكان و تحط يدك على قلبك لا ينسرق منك شي، بس حط الإيميل الي اشتركت فيه بالباي بال لما تخلص شاري و بتدفع مع الكلمة السرية الي سجلتها بالباي بال و خلاص تتم العملية، و لا أحد قدر يشوف أرقام بطاقاتك ...
للي يبغي شرح أكثر ممكن يشوف هذا الفديو عن كيف تستخدم الباي بال