الثلاثاء، 26 أكتوبر 2010

Gorgeous dress, bad accessorizing

بالشهر الموضة هذا شفت ملابس كثيرة حسيت إنها تصلح لسلبرتي بس ما كان لي نفس أسوي عنها أي شي ... أكثر الملابس الي توقعت إنها تنلبس لبست، بس مو من الناس الي توقعت، و فيه مثلا ناس توقعت أنهم يلبسون فستان معين، لبسوا من نفس الكوليكشين بس مو الفستان الي ببالي زي ميشيل وليمز بهذا الإرديم و أنا متخيلة لها إنها راح تلبس هذا.


الفستان هذا من مجموعة إيلي صعب الأخيرة، أعجبني الفستان مره ... و حسيت أنه بلايك الي راح تلبسه، خصوصا إنها لبست أكثر من فستان لإيلي، و طلع عليها مره حلو ...
تعرفون أنه لما يجي الموضوع للستايل، أفضل بلايك على ليتين ... بس مو هذا السبب الي خلاني ما أحب الفستان هذا على ليتين، أكثر شي كرهته هو الإكسسوار كله، كله خطأ المايك آب و التسريحة ... الشنطة مره رخيصة ... و المجوهرات بعد ...

قريب كنت أقلب ب asos.com و هذا الموقع من أقرب الموقع لقلبي، مو لأنه عنده أحسن الأشياء، لكن لأنه عنده أشياء كثيرة، بأسعار معقولة، و أهم شي أنه أول موقع طلبت منه و خدمة العملاء حقتهم مره مميزة. المهم شفت التوب الأزرق هذا الي على اليمين، و جا ببالي على طول الفستان هذا، بس ما كنت عارفه وش أكتب عنه، ليتين عطتني الفرصة إني اتكلم:) طبعا أنا أخترت هذا اللوك المخفف (ما أعرف وش مهناه هذا الكلام، بس أنتم أفهموا أنه يعني مو لبس سهرات، يصلح حفلات) و ما بغيت أختار أكسسوار كثير بس تكفيني الجزمة، لأن أحتي تظن أنه فن اختيار الجزمة المناسبة كثير ناس يفتقدونه، و هنا واضح أنه ليتين متورطة ...
الجزمة الي أخترته من فيفيان ويستوود من زمان عاجبتني، بس إنها كانت غالية، و أنا مليانه جزم، و لا عندي شي ألبسه ... الجزمه زي كل باقي اللبس عليهم تخفيضات اللحين.
التنورة: 171 ريال
التوب: 177 ريال
الجزمة: 389 ريال
طبعا كلها بعد التخفيض. الي يبغى رابط أي شي يعلق و يطلبني و أعطيه إياه :)

ليست هناك تعليقات:

إرسال تعليق