الجمعة، 9 أبريل 2010

Noble Sport




زي ما قلت لكم كل فترة و فترة باحط ملابس أنا أخترتها لها ثيم معين ... بعد فريدا و اللبس المكسيكي بشكل عام. جا ببالي رني أسوي لوك للملاكمة، لما شفت الكلام هذا لمحمد علي كلاي ... وزي ما قلت لكم فبل يمكن هذا اللبس ما تشوفونه على ناس تمشي بالشارع (يمكن) بس كثير يكون فيه صور بمجلات الأزياء بثيم معين، و مرات كان منها السبورت بشكل عام ...

أول ما أخترت أخترت الشورت، أساسا بديت أدور من الشورت ... و لقيت هذا الشورت الجلد من أكساندير وانق و أحسه بالضبط زي ما بغيت ...
القفازات كانت ثاني شي، ما فيه بوكسينق من دون قفازات .. و أكيد ماراح أختار قفازات ملاكمة لأنه زي ما قلت هو ثيم راح زسويه على ملابس، مو إني راح أجمع زي ملاكمين و أحطه و أقول هذا هو ... القفازات عجبوني بشكل خصوصا مع الكريستال، ذكروني باللصق ما أعرف ريش هو الي يحطونه الملاكمين على إيديهم قبل لا يلبسون القفازات حقاتهم ....

التوب كنت خايفة ما ألقى شي بس لقيت هذا التوب من زيمرمان (مو العارضة، ماركة استورالية). و حسيت أنه ماشي قوة ...

الجزم كانت الشي الثالث، أبغى كعب، و سبور بنفس الوقت، تذكرت أنا مارك باي مارك جايكوب طلع شي يشبه كذا، بس ما لقيت وحده تناسبني لقيت هذي الي من أمازون و محطوط إنها (أبوات زواج ؟!!!) أساسا ما أتخيل أنه أحد بالواقع راح يلبسها مو عاد لزواج، ما علينا :)

لما خلصت من كل شي حسيت أنه طلع ملابس مغنية بكونسيرت، و فكرت ودي أزيد شي عشان يطلع كأنه مصارعة بجد، ثم جا ببالي الروب الي يلبسونه أول ما يدخلون ... بغيته بهوديد (غطا راس) و لقيت هذا عند بيس، الحين حسيت أنه اللوك حق المصارعة اكتمل :)

ليست هناك تعليقات:

إرسال تعليق