الخميس، 1 أبريل 2010

Frida

عشان أوقات الفراغ الطويلة طلع ببالي أنه بدل ما أنتظر أحد يلبس ... أحاول أنا أسوي شي ... الفكرة جتني من شي أحبه بالمجلات، يعني لما يحطون ثيم للعدد، و يخلون هذي الملابس تمشي عالثيم ... ما أعرف كيف أوصل لكم الفكرة، بس لو شفتوا كل قطعه لحالها أو بالرانواي، أو على أي أحد ما تشفون أبدا إنها مثلا كأنها صيني (قلنا مثلا) بس يجي ستايلست و يجمع قطع من أماكن مختلفه و يخلي لوك كامل له ثيم معين ... أو شي جا ببالي أنه أسوي ثيم فريدا كالو (رسامه مكسيكية)، بلبسها المكسيكي ... و جا معاي هذا السيت




طبعا عشان نبدأ لوك زي هذا أول شي حاولت ألقاه تنوره ... تنوره أو فستان ممكن أبدأ منه فكرتي المكسيكية ... مو شرط كانت واسعة، بس أهم شي ببالي كان أنه فيها حس مكسيكي، لما تدور شي مو مثلا نوع معين من التنانير ببالك ... بس شي تشغل فيه حسك ممكن يكون مكسيكي أو لا يصير الموضوع متعب، كنت شوي و لا أوقف لولا صورة فريدا الي بالفرايم تقولي تراك بتفوتين شي حلو ...

الشي الثاني الي اشتغلت عليه هو التوب، جا ببالي شي قروي ... شي دانتيل و خفيف ... بس و أنا أدور حبيت هذا الكروبيد توب مع قصته الي تشبه المشدات الإسبانية ...

الشي الثالث لازم نحط شي فوق التوب هذا لأنه بيكون لحاله كأنه مكسيكية فسخت ملابسها و بس بقا لها التنوره و نشوف ذاك السروال النافش الي يلبسونه تحت التنانير ... فكرت بسكارف كبير ... بس قلت ممكن يكون فيه جاكيت حلو، على طول تذكرت الجاكيت هذا الي من ستيلا ... و رحت أدور عليه ...

بقى الحين أشياء بسيطة ... الجزم أهم شي عند كان أنه يكون لونها لحمي "نود" و كعب، اخترت وحده، بس لما شفت الكعب الصندل هذا الي من ستيلا بعد ، حسيت أنه أحلى خصوصا مع الخوص و الخشب الي فيه ...

مع الجاكيت ... لازم نختار شنطة "كلتش" ... و ما شي جا ببالي غير الأحمر ...

آخر شي لازم يكون فيه مجوهرات كنت بين إني أختار لها عقد أو حلق، و اخترت حلق لأني حسيت الحلق ألبق على لوك مكسيكي و أكيد لازم كبير ....


من دون شعور طلعت الألوان ألوان علم المكسيك :)

ليست هناك تعليقات:

إرسال تعليق