Winter Blossom

مع أنه ديسمبر المفروض بيكون فيه أحداث "شوي" مهمة بالنسبة لي، لكني مو متحمسة له قد مو متحمسة ليناير لسبب تافه، و هو إني أجيب نظارات جديدة.

خلونا من تفكيري البايخ، و حماسي على أشياء تافهة زي نظارة، و أقولكم عن الأشياء اللي عاجبتني الفترة هذي، أول شيء مرة حابة الوينتر فلورال، أو التشجير الغامق، ما أذكر أول مرة  انتبهت للفلورال الشتوي، يمكن قبل سنتين، كنت أفضل الفلورال الصيفي عليه، لكن الحين أعتقد لو كان فيه قطعة فلورال شتوي حلو، أحس إنها افخم من الصيفي، ما علينا، ما أعرف متى ما حبيت الملابس الرمادية (خصوصا تي شيرتات و سويترات) بهذا القماش الرمادي الهيذير هذا. طبعا ما يحتاج أقول أنه ما يمنع بأي عمر و أي وقت من السنة شوية قليتر ذهبي. 

Like a Fairytale

الشيء الحلو بكتابة هذا الموضوع إني ما أحس إني تحت ضغط إني أكتب عن حدث معين أو موضة معينة لا تروح، أقدر أكتب عن أي لبس أحبه، و أحس أنه بيعطيني ألهام أو يحمسني إني أسوي شيء جديد. طبعا أكيد أتكلم من ناحية الملابس.

أول شيء أسمحوا لي أقولكم قصة قصيرة حزينة، مو حزينة مرة، بس حزينه. كمبيوتري خرب و ضاعت معاه صور الشهور اللي كنت أستخدمها مع هذا الموضوع. القصة اللي غير هو أنه الحمدلله من زمان و أنا تقريبا حولت كل الأشياء اللي مهتمة فيها (مواضيع، صور) كلها أحفظها أونلاين، فما خسرت شيء كثير.

نرجع للبس. اللبس هذا عاجبني من أول مرة شفته، أحس حمسني ألبس لبس كذا، ما أعرف كيف آصفه، بس كأنه رسمة من قصص أطفال، بسببه تحمست بعد لو عندي سكارف حرير أو حتى جزمة عليها نقشات إيرميس (بالصدفة شفت تعاون قديم بين شركة "فانز" حقت جزم سنيكيرز و إيرميس "هنا صورة") و أول سؤال جا ببالي؟ وين كنت يوم هذا صار؟ ليه فاتني؟!!! ما علينا. الشيء الثاني اللي ملاحظته على نفسي، كل ما برد الجو قلت لنفسي ليه ما عندي شيء كاميل أعرف أنه ما عاد موضة زي ما كان قبل كم سنة، بس لون زي كذا ما أعتقد له موضة، على الأقل بالنسبة لي.

للي عاجبة الفستان و يقدر عليه، هو بالصورة على مصممته، مصممة روسية إسمها فيكا قازنسكايا، و موجود عند نيت أي بورتيه هنا .

Fabric, fabric, fabric

زي ما قلت لكم قبل، أعتقد إن شهر سبتمبر كان بطيء، أو مزحوم، ما أعرف و الله وش كان بالضبط، بس اللي أعرفه إني أغلب الوقت كنت ورا شاشة الكمبيوتر، أكتب عن الفاشن ويكز، و لا لبست لبس طلعة أنبسط عليه، إلا أنه كان فيه شيء مميز، و هو إني لبست فيه تنورة، و أنا من فترة ما لبست تنانير (كنت أدور على شيء معين، أخيرا حصلته) بالمناسبة الحياة ببناطيل مرة صعبة. 

الصورة فوق للورا بيلي (إنجليزية ما أعرف بالضبط وش تسوي) ما علينا، بس إنها كثير تلبس لبس حلو. حبيت مرة فكرة اللبس، لورا بالصورة لابسة شيء كان موجود كثير بملابس الصيف اللي فات و هو القماش التويل (القماش اللي عليه رسمات) لما شفت الملابس اللي عليها كذا، ما حبيتها و لا كرهتها، بس ما جا ببالي كيف ممكن ألبسها، غير كفستان (كان عند كالفن مجموعة). حبيت كيف نسقته، حسيت ودي ألبس شيء يشبه له، خصوصا إني أحب الكاروهات. الشيء اللي بعد دايم أحبه، و انتبهت إني صايرة أدور على أشياء بهذا اللون (حتى مكياج) اللون البرتقالي (بالمناسبة هو لوني المفضل و أنا طفلة). 

The September Issue

بالنسبة للفاشن، و مجلات الفاشن بالخصوص، عدد شهر سبتمبر أهم عدد. و بعد بالشهر هذا تبدأ عروض الصيف، بالنسبة لي (شخصيا) ما فيه شيء مثير بهذا الشهر، غير أنه يعلن للعالم إن الدراسة خلاص بدت. بغض النظر عن هذي المعلومة الكئيبة، خلوني أقول لكم عن الأشياء اللي ببالي هذا الشهر.

بصراحة ما تهمني العروض (أعرف المفروض أقول إني متحمسة) لكن ما أعرف ليه على أنه من زمان عن العروض ما أحس إني متحمسة كثير، لكن فيه شيء متحمسة له بهذا الشهر و هو تعاون فليب ليم مع تارقيت. اخترت لهذا الشهر واحد من اللوكز اللي كانت بعرض جست كافالي لصيف 2013، صراحة ما انتبهت له إلى قبل فترة قصيرة، لكنه أعجبني مرة، اللبس فيه شيء تعبتكم من كثر ما قلت لكم أحبه، هو الدانتيل و الملابس الرجالية، أعجبني شكلها مع بعض و اخترت الدانتيل واحد من الأشياء اللي ببالي لهذا الشهر، بعد لهذا الشهر اخترت اللونين الأسود و الكحلي، أعرف أنه بالنسبة لبعضكم كئيبة الألوان، لكن بما أنه تعاون فليب ليم مع تارقيت جاي و فيه أزرق و كحلي كثير (كعادة فليب ليم) تحمست للونين هذولا. 

August: Old Love Revisited

أقدر أقول مزاجي لشهرأغسطس عكس شهر يوليو، كله أشياء "قديمة" . هي مو قديمة، قديمة، بس فكرتها قديمة. بعض المرات أحب إني إلى الآن أحب نفس الأشياء، يحسسني إني مو بس "أطف" بالأشياء. صح قلت لكم الشهر اللي فات إني مبسوطة إني اخترت شيء مختلف، بس أحب إن عندي أشياء دايم عالقة ببالي. 

من الأشياء اللي دايم أحبها بذات للصيف هي قماش مقلم (أظن إني وضحت هذا الشيء بأكثر من مكان)، بذات كحلي و أبيض، أو بهذي الحالة أسود و أبيض، خصوصا مع موضة المونكروم. شيء أساسي بالنسبة لي (لازم بدولابي) تي شيرت، بذات تي شيرت أبيض، و بالصيف أظن أنه يصير بالنسبة لي الزي الرسمي. آخر شيء راح أتكلم عنه هو النيون (أعرف ممكن أحد يقول لي ما طفشتي؟) الجواب: لا إلى الآن ما طفشت، إلى الآن أعتقد أنه أنه "ينعش" اللوك. ألبسوا أي لبس كله أبيض أو كله أسود، و ألبسوا معاه نظارة بإطارات نيون، أو أساور نيون، و بتشوفون كيف يآخذ الشكل من "ميه"، للوك مرة جذاب. 

July: Someone Needs a Vacation

أحس إني الفترة هذي حابة أشياء ما كنت أعتقد إني يوم راح أحبها (أظن هذا شيء كويس) يدل إني مستعدة أتقبل أفكار و أشياء جديدة. خصوصا بالألوان. (اعتراف: ما قد حبيت اللون الوردي و درجاته أبدا، حتى و أنا صغيرة ما كان لوني المفضل، ما كنت أكرهه و أنا صغيرة، بس مو هو لوني المفضل) لما كبرت كرهته، بالنسبة لي صار مرتبط بكل شيء "بناتي" و أنا ما أحب هذي الفكرة: البنات وردي و الأولاد أزرق، طيب أحب الأزرق ممنوع؟!!

قلت لكم ما قد حبيت الوردي و درجاته (بذات الفوشي، أكرهه أحسه رخيص بشكل)، لكن الفترة هذي أعتقد فيني شيء، حابة يكون باللبس شيء "هوت بينك" مو كل اللبس (عقد، جزمة، نظارات) شيء كذا "ينعنش" (أحس ما عاد فيه أحد يستخدم هذي الكلمة). الشيء الثاني اللي حابته هي طبعات الفلامنقو، ما أعرف كيف فجأة لقيت نفسي أدور على أشياء فلامنقو بس فيها شيء يوسع الصدر. آخر شيء هو أي شيء أناناس (معلومة جانبية) كنت ما أحب الأناناس و لا آكله، يمكن ما أكلته إلا قبل سنتين لأني كنت عند وحده أحرجتني ما أمون عليها جابت صحن فيها أناناس مقطع و جلست تبغاني "أروق" عليه، أكلته مجاملة، و اكتشفت أنه مو سيء، كله من أمي اللي كانت تسوي كيك بالأناناس (ترا أمي تسوي كيك حلو، بس كيك الأناناس كان أسوء تجارب طفولتي)، ما علينا إلى الآن ما أحب آكل أي كيك بوسطه فواكة، عادي زينوا الكيكة فيها، بس لا تطبخون الفواكة مع الكيك. 

نرجع لاخيتاراتي لشهر يوليو، بعد ما جمعت الأشياء اللي عاجبتني بهذي التدوينة، اكتشفت إن اختياراتي توضح إني أحتاج أسافر مكان يحسسني بطعم للإجازة. 

* الصورة من مدونة Diamond and Unicorn

June: A Period of Transition

 مع يونيو المفترض أنه كل الناس خلصت أختبارتها و بدأت الحفلات، أحب الحفلات لكن زي ما قلت لكم أكثر من مره أحب أسويها، و بعض المرات أحب ألبس لها، لكن لما تبدأ على طول أمل، و أبغى أتركها. نترك مزاجي بالحفلات و نتكلم عن شهر يونيو. أو وش حابة لبس و أشياء للشهر الجاي أو اللي بدأ. 

أولا أعتقد إني ما جبت شيء جديد لما أقول أحب الأقمشة الشفافة. مين ما يحبه؟ أعتقد أنه أكثر شيء يمثل الصيف و الأشهر الحارة، لأني شخصيا لما يكون الجو حار، أبغى ألبس أخف و أقل كمية من الملابس، ما يهم كيف شكلها، بس أهم شيء أبرد على نفسي. 

من الأشياء اللي قلت لكم إني حابتها هي القميص الكونتراست (المقلم أبيض و سماوي) فيه أكثر من شكل عند زارا، و الطريقة اللي حابته معاه، أنه يبلس مع شيء ذهبي لامع (على الأقل هذي فكرتي عن لبس لحفلة ببداية الصيف) يمكن لأنه "الخليط" هذا فيه رسمية (القميص المقلم) و فيه حفلات (ترتر ذهبي). فبما أنه الناس توه مخلصة دواماته بيكون حلو "لفترة انتقالية". 

أعرف إن كلامي ماله معنى، بس هذي هي الأشياء اللي حابتها للشهر الجاي. 

May: Peachy, Olive and Needlepoint

دخل شهر مايو، (أعرف أنه مو أكتشاف)، لكن أكتشفت أنه فيه أشياء، ما زلت أحبها من سنة أو أكثر، و كل مرة أحس إني أبغى أشتري نفس الأشياء من جديد. (صحيح أحاول ما أخلي دولابي كأنه قص و لصق) بس ما يعني هذا إني لما أشوف هذي الأشياء ما تحكني يدي إني أشتريها.

الصورة هذي الشهر أعرف من فيها، اللي بالصورة هي أرورا سانسوني محررة إيطالية بفوق نيبون (قد تكلمت عنها قبل). ما أبغى أكثر كلام عن أرورا، لكنه باختصار أعتقد إنها الستريت ستايل المفضل عندي. 

قلت أكثر من مرة إني أحب اللانجري ينلبس برا، إلى الآن حبي لهذا الشيء ما وقف، و كل مرة أحس الجو يدفا أكثر، أحس إني أبغى لبس من هذي النوعية أكثر. 

الشيء اللي أنتبهت إني ما أوقف عن تقليبه بعد، الأشياء (بذات الفساتين اللي بلون خربزي/ وردي، نفس الشيء أحب الأشياء الزيتية (قطعة وحدة مو فستان) أحس فيها طعم جيشي يعطي اللبس شكل حلو. 

آخر شيء من الأشياء اللي بعد حابتها هي نيدل بوينت، ما أعرف وش أسمها بالعربي، بس هي أظن أنه يعتبر شكل من التطريز (ما علينا)، غير إني أحب أي شيء فيه هذا الشيء (شنط أو حتى ملابس)، يوليانا سيرقنكو حطتها على نظارات بعرضها أوت كتور ربيع 2013 و حبيت الفكرة مرة. 

The Calendar

مع الشهر هذا قررت إني آسوي زي المود بورد (مو بالضبط) الفكرة إني أحط لكل شهر صورة عاجبني اللبس فيها (من أي مكان). مع ثلاثة أقمشة أو أشياء نفس الشيء عاجبتني (بتفهمون مع الصورة و الكلام تحت). 

زي ما أنتم شايفين من الصورة اللي فوق الفكرة اللي ببالي صورة أعتقد أنه ممكن تعطيني فكرة عن طريقة لبس معين، و تحت الأشياء اللي حابتها الفترة هذي. 

أعرف إن اللي عندنا مو ربيع صيف، بس أنا باتصرف كأن عندنا ربيع، و أنه ممكن الواحد يلبس كنزة بهذا الوقت (إلى الآن الجو مو حار مرة خلونا ننبسط شوي). أول ما شفت هذي الصورة قبل فترة، حبيتها مرة، حفظتها عندي، ما أعرف ليه، بس حفظتها (لليوم الأسود). اليوم أعتقد جا يومها. 

حبيت كيف بالصورة البنت لابسة تنورة ماكسي فلورال مع شيء أسود و أبيض (الأسود مع الأبيض قلت أكثر من مرة إنها وحدة من موضات الصيف هذي السنة). يعني إذا ما حبيت فكرة لبس أسود و أبيض بس، ممكن تدخلين عليها فلورال، أو بحالتي طبعات كرز. ما أعرف ليه بس صايرة أحب أي شيء فيها كرز (غير الأكل) مجوهرات على شكل كرز، أو ملابس فيها طبعات كرز أو أي صورة فيها كرز P:. الشيء الثاني اللي حابته هو شيء ممكن يكون من موضة الأسود و أبيض بس اللي حابته بالضبط شيء أبيض منقط بأسود. آخر شيء أعتقد أنه يستاهل تشترين شيء منه (على الأقل أنا أحس إن لازم أسوي هذا الشيء) إني أشتري شيء جينز. ما أعرف ليه، بس أحس إنى ما أكتفي منه :( كل مرة أدخل محل و ألقى شيء جينز يعجبني أهجم عليه و أنسى إن عندي شيء يشبه له. 

باختصار لشهر مارس أبغى ألبس زي البنت، شيء ملون بدرجات الأحمر (كرز أو حتى فلورال) شيء أسود و أبيض معاه (الأفضل يكون منقط) أو لو شيء جينز (تنورة، توب، بنطلون). 

أنتم وش موجود على قائمتكم لأشياء ودكم تلبسونها؟