Men's Swim Short

قد تكلمت قبل من زماااان عن حبي لشورتات السباحة حقت الرجال، أتذكر سويت لوك لها، بعدين أقنعت أختي إنها تشتري (هي تحب هذي الأشياء) بعدين أكتشفت لما شفت سيكس آن ذا سيتي متأخر يمكن قبل سنتين إن كاري براد شو قد سوت الحركة، أظن بحفلة بالصيف كانت بهامبتونز. 

بأسبوع الموضة بنيويورك الخريف اللي فات شفت هذي الصورة (يمين) لهاناه قابي و هي لابسة هذا الشورت، زي تقريبا كل لبس تلبسه هاناه يعجبني كيف أنه كل مرة أحس إنها صدق تنبسط و هي تختار لها ملابس. 

شفت اليوم هذي الصورة لريانا و هي بإجازة أظن ببربادوس و هي لابسة هذا الشورت مع التي الأبيض هذا، أعجبني كيف مزينة ريانا اللبس (العقود)، يمكن أشوف الكعب شوي مبالغة، يعني بالنسبة لي بيكون شكله حلو مع جزم كونفيرس، أو يمكن شباشب. علشان كذا رحت أشوف مستر بورتيه، لأني أحب هذا الموقع، حتي لو ما كان يبيع إلا ملابس و أغراض رجال.

قلت لكم رحت لمستر بورتيه، و دورت بشورتات السباحة اللي عندهم، و لقيت أشياء كثيرة، لكن الشورتين هذولا اللي فوق، أكثر شيء عجبوني، بالذات الأزرق اللي على اليمين أتمنى لو ألبسه الحين، و زي ما سوت ريانا تي شيرت أبيض، سلاسل كبيرة ذهبية، و خلاص هذا كل شيء.
أسعارها مو رخيصة، بس لو بغيتوا تشيكون عليها، هنا تلقون السماوي، و هنا البيجي الفلورال.  

شرايكم بشورتات السباحة الرجالية؟

Girls Join the Army

ما أعرف إذا قد تكلمت عن هذا الموقع، أو لا (أشك إني تكلمت قبل)، بس أختي تحبه مره، Urban Outfitter عنده ملابس نسائية و رجالية و أشياء غير الملابس حلوة، و كثير مرات يكون سعرها معقول.

أخواتي بشكل عام عندهم سلوك، أنا ما أسويه، هو التسوق الوهمي. يدخلون الموقع، و يحطون أشياء بالعربية حقت الموقع، و هم ما راح يشترون شيء، بس كذا، يمكنه نوع من إدخال البهجة و السرور. المهم ورتني أختي أشياء من سلتها أو عربيتها عندهم، و شفت هذا الجاكيت الجيشي.

أول شيء خطر ببالي: آه هذا هو الجاكيت اللي كانت لابسته هانا قابي قبل فترة، اللي خلاني أفكر كذا، إنها مصورة معاهم حملة الخريف (ممكن تلقون صورها بالموقع). (بس ما صار هو) :) هذا الشيء ما منعني أني أسوي سيت عن اللوك حقها.

Army by alorwa featuring spiked shoes

Madewell wrap top, $68
Zoe karssen scoop neck t shirt, $105
Halston Heritage georgette skirt, $370
Christian Louboutin spiked shoes, $1,195

ما راح أتكلم عن اللوك كثير، لأن كل شيء قدامكم. بس قبل لازم أتكلم عن هانا و ستريت ستايل، هانا من أكثر العارضات اللي أحب  أشوف ستريت ستايل حقها، صحيح أنا أحب أشوف ستريت ستايل لكل العالم، لأنه شيء مختلف عن المجلات و العروض، لأنه ناس طبيعية، زي و زيك هم اللي أختاروا ملابسهم. قلت لكم أحب أشوف هانا، تحب تلعب بالقطع كثير، تغير كثير، يعني مالها ستايل معين، لكن دائما بتشوفون عندها شيء حلو. 

أرجع للبس من جديد، ما بغيت أنسخ لبس هانا بالضبط (مع أنه حلو) بس بغيت آخذ الفكرة (خصوصا الجاكيت)، و أخترت له ألوان فاقعة أكثر، هانا واضح أنه كانت تبغى تحول اللوك من جيش لرومانس، مع هذي الألوان، لكني بغيت بس أخليه بناتي، و الألوان فيها حياة أكثر، فأخترت التنورة اللي من هولستون، الجزمة عليها دبابيس من كريستيان لوبتين و التي عليه هذا الهايكل العظمي (بس شكله لطيف:) فعاطي شوي "لمسة" روك على اللوك، بغيت لون ثاني قوي غير الفوشيا فدخلت هذا الكارديقان اللأخضر النيون من مادويل، و فكرتي أنه بس يلبس تحت الجاكيت من دون ما يسكر، يعني يطلع منه شوي من تحت الجاكيت، ما أعرف كيف آصفه بس يخلي فيه شوي علاقة بين الجاكيت الجيشي و باقي اللوك، و بنفس الوقت، ينعشه.

My favorite Bag

اليوم ما أظن إني راح أتكلم عن عرض، بس باتكلم عن خلف الكواليس أو الباكستايج، لواحد من العروض.
ما قد صارت لي فرصة أقول لكم قد إيش أحب الهدايا :) ... مشكلتي إني عندي قائمة ما تنتهي من to buy، و كل مرة نقول خلاص هذا آخر شي يطلع شي ثاني حلو، أعرف إنها مؤامرة من الغرب P: بس راح أمشيها عليهم.

تقريبا من حول سنة، و أنا ميته على هذي الشنطة من فندي، أول مرة شفتها على آبي لي هنا. بالعادة ما أحب الشنط اللي مطبوع اللوقو حق الماركة و خصوصا فندي، بس هذي ما أعرف ليه غير. شكلها غير ، طريقة تعليقها غير كل شيء فيها غير (طبعا يمكن أنا أبالغ بالتغزل بس وشي أسوي حابتها). من زيادة الحب أضفتها للبوتيك حقي. تقريبا كل من وريتها ما شاركني الحماس، بس كل ما شفتها على أحد و خصوصا الموديلز بالصورة (هاناه قابي و جاكلين جابلونسكي) و كلهم معاهم الشنطة زاد حماسي لها. الليوم رحت لمحل فندي أبغى أشوف هي موجودة أو لا، و لقيتها بس مو مطبوع عليها لقيت وحده جلد بني و حده جلد أسود، بأكثر من 6000 ريال. بس تعرفون المثل اللي يقول: أنتم كريمين و أنا أستاهل) ترا اللي عجبتني البنة P: