The Multiple

لليوم الثالث ما أدري الرابع لأسبوع الموضة كان فيه مجموعة مصممين (كالعادة) من أكثر المجموعات اللي حبيته لهذا اليوم، هي مجموعة تاكون. ما أتذكر إني قد أعجبت بتاكون مرة، أتذكر إني حبيت عرض كان ملون شعر العارضات فيه، حبيت الشعر مو المجموعة نفسه. 

مجموعة خريف 2013 كانت حلوة، و أعتقد إنه لحد الآن من أنجح مجموعاته على الريدكاربيت (لبست منه دايان كروقر و اخترته من أحسن لبس لشهر مارس) . 

بهذي المجموعة (أعرف إني اختياراتي كأنه المجموعة ما فيها شيء مترابط) لكنها مترابطة صدقوني. المهم المجموعة أعتقد كان فيه اهتمام بالتفاصيل الناعمة مرة بشكل كبير (مثل طرف التنورة باللبس الثاني من اليسار، أو الشغل اللي على التوب الثاني من اليمين) . بعد حبيت فكرة الشنطة/المجوهرات (مرة عقد، و مرة سوارة و مرة ما أعرف وش أسمه الشيء اللي يعلق بالبنطلون). من أول الأشياء اللي أعجبتني و أنا أقلب المجموعة الجمب سوت، حبيت الدانتيل اللي مغطي الفتحة العميقة (تعرفوني أحب الدانتيل و قلت لكم بكلامي عن شهر سبتمبر) الشيء اللي بعد لاحظته بهذي المجموعة فيها أكثر من شيء مستخدم فيه سيور أسبيقاتي (السير النحيف مرة) الشيء اللي بعد لاحظته من العروض اللي فاتت، أنه تاكون مو هو الوحيد اللي عنده أكثر من قطعة بسير أسبيقاتي.

آخر شيء باعلق عليه، هو و أنا أقلب المجموعة ما أعرف كل لوك أحسه جاهز لزوي سالدانا، أتمنى تلبس منه بالذات الفستان الأحمر الفوشي أو التنورة مع البراليت أو ما أعرف وش يسمى هذا الشيء. 

Best Dressed: March 2013

زي ما قلت لكم راح أحط لكم خيارات أحسن لبس لشهر مارس. على عكس شهر فبراير، شهر مارس كان مرة فقير لكن مو سيء بس بصعوبة جمعت 8 ملابس للشهر، و لا احترت كثير لمين يجلس و مين يروح.

حاولت إني أنوع بالاختيارات لهذا الشهر، لكن لما جمعتها اكتشفت إن أكثرها أشياء "دلوعة" بس مو دلوعة مرة، لكن ألوانها باستيل أو قصاتها "دلوعة".

من أهم الأشياء أنه غير فيه فستانين ورديات هذي المرة، هذا الشهر الثالث اللي أختار فيه فستان وردي (من فترة و أنا حابة لأشياء اللي باللون الوردي/ اللحمي). من الأشياء اللي حبيتها هذا الشهر، حبيت إن إيما ستون لابسة تي شيرت تحت فستان سترابليس (ما أعتقد إني ممكن أسويها، لكن أظن إنها فكرة حلوة و فيها إضافة مختلفة للفستان "تقليدي"). 

بعد حبيت اختيار دايان كروقر للجزم، فيه كثير ما أعجبتهم لكني حبيتها أحس إنه أعطت الفستان حدة شوي. من الأشياء اللي بعد لازم أقولها، إن شعر نيكول كيدمان عجبني مرة، من زمان ما شفت شعرها كذا حلو. 

المهم نجي للتصويت، اخترت خدمة جديدة، بس ما أعجبني تصميمها (لو تعرفون خدمة ثانية قولوا لي باكون شاكرة). 

Create your free online surveys with SurveyMonkey , the world's leading questionnaire tool.

The Military Effect

من فترة و أختي تدور على جاكيت جيش، آخر شيء اضطرت إنها تخيط واحد. أنا و أختي أذواقنا مختلفة، لكن هذي المرة مارست عليها دكتاتورية، وقلت لها إنه لما يطلع الجاكيت بنطرز عليه ورود، لأني أحب خلط أشياء بأشياء، يعني أعرف أنه تقريبا ما فيه علاقة بين الورود و الجيش، لكن حبيت الفكرة.

أمس أو قبل أمس طلعت مجموعة تاكون أديشين بري فول 2012، أعجبتني المجموعة مرة، خصوصا أنه تأثير الجيش واضح فيها، هذي أكثر قطع عاجبتني فيها.

قلت لكم أعجبني تأثير الجيشي بالمجموعة، اللون الزيتي، و شكل الجاكيتات أعجبتني مره، اللبس اللي بالوسط، الجاكيت اللي فيه حسيت أنه هذا الجاكيت اللي ودي لو دريت عنه قبل، إني أغصب أختي عليه، لكن ما علينا إن شاء الله بأكمل معها مشروع التطريز، أو نشتري آيرون آون عليها ورود و أشكال ثانية و نحطها، على الجاكيت، بعدين الفقرة الأخيرة ألبسه أنا :).

شرايكم بتأثير الجيش على الملابس؟