DejaVu

زحمة أحداث اللحين، و لا ببالي شي أكتب، و لا أحس فيه شي يحفز ... علشان كذا لما ينشف راسي أروح أدور على إيدتوريالز علشان تعطيني أفكار. بس شفت هذي الصورة من إيديتوريال قديم لناموي كامبل و على طول جا ببالي مجموعة جيل ساندر للربيع إلي تكلمت عنها و قطعت فيها، بس مو بس أنا اللي قطعتها تقطيع، كل مجلة اللحين تقريبا عارضة على الأقل فستان من المجموعة.

أول ما شفت الصورة و هي صغيرة حسبتها جديدة، بس لما كبرتها حسيت فيه شي مو جديد، رجعت أشوف تاريخ الصورة و ألقاه من عدد مارس لفوق الأمريكية عام 1998.

طبعا المينماليزم أو البساطة قلت لكم أكثر من مرة هي كانت موضة منتشرة بقوة بالتسعينات. فيعني مو غريب لو شفت صور من التسعينات راح تحس أنه اللبس يتشابه كثير مع لبس الموسم هذا.

قلت لكم أنا من بعيد حسبت ناومي لابسة من جيل ساندر، خصوصا التنورة الليمونية هذي .. بس لما كبرت الصورة شفت النفشة اللي ورا، و الجيبون اللي طالع من تحت التنورة.