ما أدري وش صار بالناس، بس من يومين و أنا أنتظر صور صافية لعرض ڤيكتور أند رولف، و لا لقيت، شكل الناس نست ترجع لباريس بعد الأوسكار. ما علينا، حصلت الحين صور صافية، و حبيت أتكلم عن العرض لأنه أعجبني مرة. العرض بعد رمادي، زي ما قلت لكم بأسبوع نيويورك كان الرمادي موجود بكل مكان.
صراحة ما أعرف متى عرض ففتي شيدز أوف چراي، و لا أعرف وش دخل الرمادي بالقصة، بس باقول أنه الرمادي اللي نشوفه بالعروض له شغل بالرواية اللي بتصير فيلم، أو صارت و بقى عرضه. المهم بالعادة مو ما يعجبني ڤيكتور آند رولف، بس أشوفه يصلح أكثر إيدتوريال من الريد كاربيت أو حتى عادي للحياة. عجبتني أول قطعة من اليمين، حسيتها تصلح لإيما واتسون مع ستايلها الجديد، أكثر قطعة عجبتني (لي) هي الجاكيت الثاني من اليمين، ما أعرف هو قماش مخيوط عليه قطع تريكو أو كيف؟ بس أنه حلو مرة، الفستان الأخير عجبني مرة، أحب الفساتين اللي يوضح إنها شتوية، بنفس الوقت فيها فخامة، و تصلح للمناسبات.
ليست هناك تعليقات:
إرسال تعليق