الاثنين، 10 فبراير، 2014

Unisex

من العروض عرضت بنيويورك كان عرض لماركة اسمها ببليك سكول. صراحة أول مرة أعرف عن هذي الماركة، بس كأني فهمت إنه أول مرة يصممون ملابس للنساء، يعني كانت ماركة رجالية. المهم العرض كان فيه شيء مثير، مرة كنا نتناقش أنا و خواتي حوله، ما أعرف إذا قد جبت سيرة للموضوع هنا أو لا، بس لو ما جبت هنا الموضوع. 




الموضوع هل راح تكون الملابس في المستقبل شكلها واحد للنساء و الرجال؟ أول ما شفت العرض تذكرت السؤال هذا اللي طرحته علينا أختي. صراحة ما أعرف كثير بالتاريخ علشان أعرف إذا قد مرة أو عند أمة معينة نسائهم و رجالهم كانوا يلبسون نفس اللبس أو لا؟ لكن بالتاريخ و الصور اللي أعرفها ما أظن ملابس النساء و الرجال صارت متشابهة أكثر من هذا الوقت. ما أتذكر إجابتي لسؤال أختي لما سألت، لكن الحين أعتقد أنه الملابس بتصير بعضها متشابهة، بس يظل فيه بعض الملابس شكلها مختلف ما دام فيه عندنا مصدر للصور و شكل الملابس القديمة، و ظلت الحياة بهذا الشكل، يعني مصممين هم اللي تقريبا يعلمونا كيف نلبس، لأن المصممين زي الحين، بيرجعون لصور قديمة، و يقررون أنهم بيعيدون هذي الموضة، و لا أظن مثلا موضة البين أب مثلا تنفع تكون للرجال و النساء بنفس الوقت. 

أنتم وش رأيكم؟