أعرف إني قلت لكم هذا آخر واحد (اللي قبل هذا البوست)، بس سامحوني، على آخر لحظة شفت عرض أنتطونيو ماراس، و أعتقد حرام عرض زي هذا ما أتكلم عنه. أعتقد أني لو كان عندي فلوسه، كان شريت كل المجموعة (مو كل كل، بس أكيد كل الأشياء اللي راح أحط صورتها هنا.
مو أول مصمم، و لا أول مجموعة أشوف فيها شيء من الشرق الآسيوي (اليابان أو الصين)، و لا دايم كانت النتايج تعجنب، بس هذي المجموعة أعتقد إنها ما كانت نسخ كامل لفكرة شرق آسيا، أحس فيه شيء بالنقشات (الفستان الأول من اليسار) و الألوان (الرمبر/فستان) الأول من اليمين و الأكمام كأنه كومينو، بس إلى الآن فيه حس مختلف. أنا بالعادة مو مرة مع الملابس الصوفية، أحبها عادية من دون حوسة كثيرة، بس هذا الفستان الكنزة (الثاني من اليمين) عجبني مرة، ودي ألحين ألبسه، أحس كأنه لوحة بس من دون مبالغة، طبعا ما يحتاج أتكلم عن حبي للباركا (الجاكيتات الزيتية) و لما يكون معها فلورال، أكيد الموضوع يكون كلام ثاني.
ليست هناك تعليقات:
إرسال تعليق