قبل فترة بأكثر من موقع من مواقع ستريت ستايل شفت "هذا الشيء" (اللي راح أتكلم عنه اليوم)، بصراحة ما أعجبني، عندي تحفظ على فكرة تطليع الكتف من قميص أو فستان (عارفين لما تكون الفتحة كبيرة، و بعض الناس يجرون اللبس على جنب علشان يطلع كتفهم؟) أنا الحركة هذي أحس إن اللي تسويها تقول ترى أنا كيوت (لو بالغصب) :)، يمكن هذا اللي خلاني ما أحب فكرة هذي الشكل من الملابس بالبداية.
أمس قبل لا أنام شفت هذي الصورة لكايت بسوورث، عجبني شكلها مرة، بس لأن فيني نوم قررت إني أدور عن الصورة أكثر لما أصحى من بكرا، اليوم عرفت إن فستان كايت من توب شوب، و الشيء اللي ما كنت أحبه (هذي حركة الأكمام مقطعة عند الأكتاف) أول مرة من شفتها عجبتني، عجبني خفة الفستان حسيته مرة صيفي، عجبني العقد اللي لابسته معاه (من تصميمها تبيعه على Jewel Mint) (لو كنتوا بأمريكا تقدرون تشترونه بعد ما تشتركون بالموقع.
لما شفت الفستان زي ما قلت لكم علي كايت، حسيت أنه الشيء اللي لازم الواحد لو مشتهي يشتري فستان صيفي يشتريه (ما أعرف إذا ممكن تلقون نفس فستان كايت عند توب شوب)، لكن رحت أدور على أشياء ثانية بنفس الفكرة. من عند نيت أي بورتيه
لقيت هذا الفستان (يمين)، أعرف أنه مو رخيص خصوصا على فستان لكل يوم أو حفلات أو مناسبات بسيطة، لكن تقريبا أقل من شهر و تبدأ تخفيضات الموقع، فممكن تحطونه بالويش ليست و تنتظرون التخفيضات. الفستان الثاني لقيته هنا عند أيسوس، أعجبتني طبعات الورد عليه و أعجبني طوله، و أعتقد سعره لحد ما مقبول.
شرايكم بالنوعية هذي من الفساتين أو حتى لو كان بس توب؟
ليست هناك تعليقات:
إرسال تعليق