Swan Year

أعرف أنه الصينين كل سنة يسمونها باسم حيوان، و يقولن أنه يجيب الحظ ، و ما أعرف إيش من هذا الكلام ... السنة هذي مو سنة البجعة، أو الوزة بالتقويم الصيني (أظن إنها الأرنب). بس شكلها بتكون سنة البجعة بالفاشن، خصوصا مع فيلم نتالي بورتمان Black Swan.

ما العرف العالم فجأة تطف بأحد، أو أنا لما أمسك وحده ما أفكها إلا بطلعت الروح :) ما علينا هايلي ستاينفيلد اللي مرشحة للأوسكار بدورها بفيلم  True Grit . المهم أمس كانت حاضرة لمهرجان برلين السينمائي، أو برلينالي و لابسه من مجموعة ميو ميو لربيع 2011 فستان عليه بجعة (بالمناسبة ترا بدت عروض شتاء 2012. قبل ما أكلمك عن الفستان و البجعة أحب أقولكم إني أحب اللبس بمهرجان برلين، ما أعرف ليه بس فيه ذوق من غير تكلف.
نرجع لفستان هايلي زي ما قلت لكم أنه من ميو ميو. من أكثر الفساتين اللي حبيتها من المجموعة، أساسا الفساتين متشابه كثير، صحيح فساتين يصعب لبسها للي جسمه فيه مشاكل، بس ألوانها الفاقعة، و نقشاتها ممكن تصرف النظر، خصوصا لو إنلبس فوقه شي. المهم الوزة  أو البجعة اللي على الفستان. ذكرتني بشي أختي قالت لي إياه من فترة. و هي ودها بشي (يعني أي قطعة ملابس) عليها بجعة. أول ما قالت لي دورت و ما لقيت شي رخيص، لقيت أشياء حلوة زي ملابس إيما كوك (تحت)  ما كانت رخيصة.
زي ما قلت لكم بعد ما قالت لي أختي عن ملابس فيها بجعة، و رحت أدور عليها، أكتشفت إنها حلوة، تدخل علي اللبس شي أنثوي من دون بياخة. يعني حركات الورود و القوب. (تراني أحب الفلورال) بس قصدي شي أنثوي من بعيد لبعيد :) مو شي لما تشوفه علي شي خلاص تقرر أنه لبس بناتي.

هذي هي الملابس اللي عليها بجعة من إيما كوك، تلقونها هنا، طبع زي ما قلت لكم سعرها مو رخيص يعني التي هذا سعره تقريبا 930 ريال.
بس إذا كانت عاجبتكم الحركة تقدرون تسوون بحث على قوقل علي صور بجعات حلوة، و تاخذونها لوحده من الأماكن اللي تطبع علي التي شيرتات، ثم بعدها تزيدون عليها أس شي تحبونه، كرستالات، أو تل زو أزارير أو أي شي و طبعا كلها تلقونها عند محلات عدة الخياطة. كنصيحة حلو تبسينها مع تنورة شيفون (شكل الشيفون موضة لهذا الشتاء، لحد الآن من العروض اللي أشوفها).