الثلاثاء، 15 فبراير، 2011

Story of Two Seasons

المرة هذي ما ودي أكتب عن المجموعات بس، يعني حتى لو صار شي باكستاج أو إيفينتز باتكلم عنه، الكلام اللي راح أحطه مو جديد جديد، يعني له يومين أو كذا. و نفس الشي هو مو كله عن السيزون هذا، بس يعني بعض أحداثه صارت P:.



القصة تبدأ، طبعا أنا علشان أطول السالفة شوي بخليها كأنها قصة. بس يالله مشوها علي. هو الصورة هذس اللي على اليمين كلوز آب لعرض فندي ربيع 2011، ما أتذكر إني تكلمت عنه، بس كانت ألوانه مشعة، و الإكسسوارت فيه حلوة أحلى من أي شي ثاني يعني (الملابس).

المهم من الموسم اللي فات تقريبا الروج الأحمر مسيطر مرة على أكثر العروض، بس يعني صاير نشوف ناس جالسة تكسر هذا الرتم بألوان ثانية، حتى بعضها بلون أسود ؟!!!

المهم نرجع لفندي، لما كان العرض انتبهت أنه بعض الموديلز كانوا حاطات روج برتقالي، ما عطيته وجه كثير لأني أعرف العجايب اللي يسونها المايكب آب آرتسيست بالعروض، صحيح وجوه العارضات كانت حلوة، بس ما فرت أنه ممكن ينتشر (قصدي اللون)، أو حتى يطلع برا العروض، بس شكلي كنت مخطية.

المهم إني و أنا زي كالعادة أدور على شي أكتبه، شفت الصورة اللي تحت مع مجموعة ثانية من الصور و انتظرت ألقى صور أحلى بس ما طلع. فالله لا يهينكم تعبروا.


بالصورة هذي للي ما يعرفها شارلوت كاسيراقي ... شارلوت بس علشان نعرفها، هي بنت أميرة موناكو كارولين دو مناكو :) و إذا ما تعرفون أصلا أميرة موناكو مو لازم، يعني ما يهم.
المهم فترة من الفترات يمكن قبل 4 سنوات أو أكثر شارلوت كانت تمثل كل شي راقي بالنسبة لي، ساعات أتخيل نفسي هي P:، بس لي فترة مو قصيرة صايره أملها، ما تتغير ... مرة ثانية، شارلوت كأنها راجعة تعجبني من جديد.
بحفلة لزيد سبوك، حق زاك بيزون بينيويورك قبل يومين شارلوت كانت جاية، و لابسة فستان رمادي (شكله حلو)، و شعرها حلو (من زمان و أنا معجبة فيه، لونه و كثافته حلوة، يحسسك أنه متغذي). المهم أنه شارلوت مع اللون الرمادي عاطيه الفستان (ألق) مع روج برتقالي، هو لمعلوماتكم، شارلوت علاقتها كويسة مرة بكارل لاغرفيلد، اللي الحين هو يشارك بتصميم فندي، فمو بعيده إنها استخدمت نفس الروج، بس اللون طالع مرة حلوة.
للي يبغى صور أكثر، بتلقون فيه هنا، بس مطبوع عليها (مو كريهة هذي الحركة، اللي يخرب الصور و يطبع عليها؟)
و بما أنه بيكون فيه ملابس رمادية كثيرة للخريف الجاي، أشوف روج برتقالي بيعطي اللوك شكل مرة حلو، بس ما أعتقد أنه بيلبق على الكل.